Header Ads Widget

Ticker

6/recent/ticker-posts

Modern Techniques in Geography - PSC Questions & Answers (Chapter 02)

Modern Techniques in Geography - PSC Questions & Answers
ഭൂമിശാസ്ത്രത്തിലെ നൂതന സങ്കേതങ്ങള്‍: പി.എസ്.സി. ചോദ്യോത്തരങ്ങൾ (൦2) 
Modern Techniques in Geography / ഭൂമിശാസ്ത്രത്തിലെ നൂതന സങ്കേതങ്ങള്‍ കഴിഞ്ഞ പേജിൽ നിന്നും തുടരുന്നു....

ഭുവിവരവ്യവസ്ഥ (Geographic Information System - GIS) 
* ഭൂപടങ്ങള്‍, ആകാശീയ ചിത്രങ്ങള്‍, ഉപഗ്രഹ ചിത്രങ്ങള്‍, പട്ടികകള്‍, സര്‍വ്വേകള്‍ തുടങ്ങിയ വിവരസ്രോതസുകളില്‍ നിന്നും ശേഖരിക്കുന്ന വിവരങ്ങള്‍ ഭൂവിവരവ്യവസ്ഥ സോഫ്റ്റ്വെയറുകള്‍ ഉപയോഗിച്ച്‌ കമ്പ്യൂട്ടറില്‍ നിവേശിപ്പിക്കുന്നതിനും അവയെ വീണ്ടെടുക്കുന്നതിനും വിശകലനം നടത്തുന്നതിനും ഭൂപടങ്ങള്‍, പട്ടികകള്‍, ഗ്രാഫുകള്‍ എന്നിവയിലൂടെ അവയെ വിശദമാക്കുന്നതിനുമുള്ള ഒരു കമ്പ്യൂട്ടറധിഷ്ഠിത വിവര സഞ്ചയ വ്യവസ്ഥയാണ്‌ ഭൂവിവരവ്യവസ്ഥ.

* ഭൗമോപരിതലത്തിലെ ഓരോ സവിശേഷതകള്‍ക്കും അതിന്റേതായ ഒരു സ്ഥാനമുണ്ട്‌. നിയതമായ അക്ഷാംശ-രേഖാംശ സ്ഥാനമുള്ള ഭാമോപരിതല സവിശേഷതകളെ സ്ഥാനീയവിവരങ്ങള്‍ (Spatial data) എന്നു വിളിക്കുന്നു.

* ഭൗമോപരിതലത്തിലെ ഓരോ സ്ഥാനീയ വിവരത്തെ സംബന്ധിച്ചും കൂട്ടിച്ചേര്‍ക്കാവുന്ന അധിക വിവരങ്ങളാണ്‌ വിശേഷണങ്ങള്‍. 

ഭുവിവരവ്യവസ്ഥയുടെ ഉപയോഗങ്ങള്‍
* വിഷയാധിഷ്ഠിത പഠനങ്ങള്‍ നടത്തുന്നതിന്‌
* സ്ഥാനീയ വിവരശേഖരണങ്ങളില്‍ നിന്ന്‌ ആവശ്യമായ വിവരങ്ങളെ വേര്‍തിരിച്ചെടുക്കുന്നതിന്‌
* വിവരങ്ങളുടെ സ്ഥാനീയ ബന്ധങ്ങളെ കണ്ടെത്തി വിശകലനം ചെയ്യുന്നതിന്‌ 
* ഭൂതല സവിശേഷതകളെ സ്ഥാനീയമായി പ്രദര്‍ശിപ്പിക്കുന്നതിന്‌
* ദ്രുതഗതിയിലും ചെലവുകുറഞ്ഞ രീതിയിലും വിവരങ്ങള്‍ കാലാനുസൃതമായി നവീകരിക്കുന്നതിനും കൂട്ടിച്ചേര്‍ക്കുന്നതിനും
* ഭൂവിവര വ്യവസ്ഥയില്‍ ശേഖരിക്കപ്പെടുന്ന വിവരങ്ങള്‍ ഉപയോഗിച്ച്‌ ഭാവി പ്രതിഭാസങ്ങളുടേയും പ്രക്രീയകളുടേയും ദൃശ്യമാതൃകകള്‍ സൃഷ്ടിക്കുന്നതിന്‌
* പ്രത്യേക ആവശ്യങ്ങള്‍ക്കനുസൃതമായി ഭൂപടങ്ങള്‍, ഗ്രാഫുകള്‍, പട്ടികകള്‍ എന്നിവ നിര്‍മ്മിക്കുന്നതിന്‌. 

ഭൂവിവരവ്യവസ്ഥയുടെ വിശകലന സാധ്യതകള്‍
* സ്ഥാനീയ വിവരങ്ങളായും വിശേഷണങ്ങളായും ശേഖരിക്കപ്പെടുന്ന ഭൗമോപരിതല സവിശേഷതകളെ നമ്മുടെ ആവശ്യങ്ങള്‍ക്കനുസൃതമായ വിശകലനങ്ങള്‍ക്ക്‌ വിധേയമാക്കാന്‍ ഭൂവിവരവ്യവസ്ഥയ്ക്ക്‌ കഴിയുന്നു. 

* ഓവര്‍ലേ വിശകലനം, ആവൃത്തി വിശകലനം, ശൃംഖല വിശകലനം തുടങ്ങിയവ പ്രധാനപ്പെട്ട വിശകലന സാധ്യതകളാണ്‌. ഇത്തരത്തിലുള്ള ധാരാളം വിശകലനങ്ങള്‍ക്കുള്ള സാധ്യതകള്‍ കൂട്ടിച്ചേര്‍ത്താണ്‌ ഭൂവിവരവ്യവസ്ഥാ സോഫ്റ്റ്വെയറുകള്‍ക്ക്‌ രൂപം കൊടുക്കുന്നത്‌. 

ഓവര്‍ലേ വിശകലനം (Overlay Analysis)
* ഒരു പ്രദേശത്തിന്റെ വിവിധങ്ങളായ ഭൗമോപരിതല സവിശേഷതകളുടെ പരസ്പര ബന്ധത്തെക്കുറിച്ചും കാലാനുസൃതമായി അവയിലുണ്ടായ മാറ്റത്തെക്കുറിച്ചും മനസ്സിലാക്കുന്നതിനാണ്‌ ഓവര്‍ലേ വിശകലനം ഉപയോഗിക്കുന്നത്‌.

ആവ്യത്തി വിശകലനം (Buffer Analysis) 
* ആവൃത്തിവിശകലനത്തില്‍ ഒരു ബിന്ദുവിനെ ചുറ്റി വൃത്താകാരത്തിലോ അല്ല്ലെങ്കില്‍ രേഖീയ സവിശേഷതകളെ ചുറ്റി ഒരു ഇടനാഴി പോലെയോ ഒരു പ്രത്യേക മേഖല സൃഷ്ടിക്കപ്പെടുന്നു. ഈ മേഖല ആവൃത്തി മേഖല (Buffer zone) എന്നറിയപ്പെടുന്നു.

* ആവൃത്തിവിശകലനത്തിലൂടെ സൃഷ്ടിക്കപ്പെടുന്ന വൃത്തത്തിന്റെ ആരമോ അല്ലെങ്കില്‍ ഇടനാഴിയുടെ വീതിയോ നിര്‍ണ്ണയിക്കുന്നത്‌ വിശകലന വിദഗ്ദ്ധരാണ്‌. 

ശൃംഖല വിശകലനം (Network Analysis)
* മറ്റ്‌ രണ്ട്‌ വിശകലനങ്ങളില്‍ നിന്നും വൃത്യസ്തമായി ഭൂപടത്തിലെ രേഖീയ സവിശേഷതകളെ മാത്രമാണ്‌ ശൃംഖല വിശകലനത്തിന്‌ വിധേയമാക്കുന്നത്‌. റോഡ്‌, റെയില്‍വേ, നദികള്‍, തുടങ്ങിയ രേഖീയ സവിശേഷതകള്‍ ഇതില്‍ ഉള്‍പ്പെടുന്നു. 

* ശൃംഖല വിശകലന സാധ്യതകളിലൂടെ ഒരു പ്രദേശത്തുനിന്നും മറ്റൊരു പ്രദേശത്തേക്ക്‌ എളുപ്പത്തില്‍ എത്താവുന്നതും തിരക്ക്‌ കുറഞ്ഞതുമായ വഴികള്‍ കണ്ടെത്താന്‍ സാധിക്കുന്നുവെന്നതും ഇത്തരം വിശകലന സാധ്യതകളിലൊന്നാണ്‌. 

റോഡ്‌ ശൃംഖലാ വിശകലന സാധ്യതകള്‍ ഉപയോഗിച്ച്‌ ആസുത്രണം ചെയ്യാവുന്നവ:
* ഏറ്റവും അടുത്തുള്ളതും തിരക്കുകുറഞ്ഞതുമായ വഴി കണ്ടെത്താന്‍ സഹായിക്കുന്നു.
* ഗതാഗതസമയവും ചിലവും കുറയ്ക്കുന്നു.
* അപകടനിരക്ക്‌ കുറഞ്ഞ സുരക്ഷിതമായ റോഡ്‌ കണ്ടെത്താന്‍ കഴിയുന്നു.
* അപകടസ്ഥലത്ത്‌ നിന്ന്‌ അപകടത്തില്‍പ്പെട്ട ആളിനെ സാഹചര്യമനുസരിച്ച്‌ ഏത്‌ ആശുപത്രിയിലാണ്‌ കൊണ്ടുപോകേണ്ടത്‌. 
* വിനോദസഞ്ചാരികള്‍ക്ക്‌ ഏറ്റവും മനോഹരമായ സ്ഥലങ്ങള്‍ ലഭ്യമായ സമയത്തിനുള്ളില്‍ പരമാവധി കണ്ടെത്തി യാത്ര ചെയ്യുന്നതിന്‌. 

ഭുവിവരവ്യസ്ഥയുടെ പ്രയോഗ സാധ്യതകള്‍
* ആസൂത്രണവും തീരുമാനങ്ങള്‍ എടുക്കലും കൂടുതല്‍ കാര്യക്ഷമമാക്കുന്നു.
* വിവരങ്ങള്‍ കൈകാര്യം ചെയ്യുന്നതിലും വിതരണം ചെയ്യുന്നതിലും കാര്യശേഷി നല്‍കുന്നു.
* വിവരങ്ങളുടെ ആവര്‍ത്തനത കുറയ്ക്കുന്നു.
* പല ഉറവിടങ്ങളില്‍ നിന്നുള്ള വിവരങ്ങളെ സംയോജിപ്പിക്കുവാനുള്ള കഴിവ്‌.
* സങ്കീര്‍ണ്ണമായ വിശകലനത്തിലൂടെ ഭൂമിശാസ്ത്രവിവരങ്ങളെ താരതമ്യം ചെയ്ത്‌ പുതിയ വിവരങ്ങള്‍ നല്‍കുന്നു. 

ഉപഗ്രഹാധിഷ്ഠിത ഗതിനിര്‍ണയസംവിധാനങ്ങള്‍ (Satellite-based Navigation System) 
* ഭൗമോപരിതല വസ്തുക്കളുടെ സ്ഥാനവും ഗതിയും കണ്ടെത്താന്‍ ഇന്ന്‌ ഉപഗ്രഹാധിഷ്ഠിത ഗതിനിര്‍ണയസംവിധാനങ്ങള്‍ ഉപയോഗിക്കുന്നുണ്ട്‌.

* ഭൂപടനിര്‍മാണം, ഗതാഗതം തുടങ്ങിയ അനേകം മേഖലകളില്‍ ഇത്‌ പ്രയോജനപ്പെടുത്തുന്നു. അമേരിക്കന്‍ ഐക്യനാടുകളുടെ ഗതിനിര്‍ണയ സംവിധാനമായ ഗ്ലോബല്‍ പൊസിഷനിങ്‌ സിസ്റ്റം ആണ്‌ വ്യാപകമായി ഉപയോഗിക്കപ്പെടുന്നത്‌.

ഗ്ലോബല്‍ പൊസിഷനിങ്‌ സിസം (Global Positioning System) 
* ഭൗമോപരിതല വസ്തുക്കളുടെ അക്ഷാംശ-രേഖാംശ സ്ഥാനം, ഉയരം, സമയം എന്നിവ മനസിലാക്കാന്‍ സഹായിക്കുന്ന സംവിധാനമാണ്‌ ഗ്ലോബല്‍ പൊസിഷനിംഗ്‌ സിസ്റ്റം (GPS). 

* ഭാമോപരിതലത്തില്‍നിന്ന്‌ 20000 മുതല്‍ 20200 കിലോമീറ്റര്‍ വരെയുള്ള ഉയരത്തില്‍ ആറ്‌ വ്യത്യസ്ത ഭ്രമണപഥങ്ങളിലായി 24 ഉപ്രഗഹങ്ങളുടെ ഒരു ശ്രേണിയുടെ സഹായത്താലാണ്‌ സ്ഥാനനിര്‍ണയം നടത്തുന്നത്‌. 

* ഉപഗ്രഹങ്ങളില്‍ നിന്നു വരുന്ന സിഗ്നലുകള്‍ നമ്മുടെ കൈവശമുള്ള സ്വീകരണ ഉപാധിയില്‍ (Receiver) ലഭ്യമായാല്‍ സ്ഥാനം നിര്‍ണയിക്കാന്‍ കഴിയും. 

* ഏറ്റവും ചുരുങ്ങിയത്‌ 4 ഉപഗ്രഹങ്ങളില്‍നിന്നു വരുന്ന സിഗ്നലുകളെങ്കിലും ലഭിച്ചാല്‍ മാത്രമേ ജി.പി.എസിന്‌ അക്ഷാംശം, രേഖാംശം, ഉയരം, സമയം തുടങ്ങിയ വിവരങ്ങള്‍ കൃത്യതയോടെ പ്രദര്‍ശിപ്പിക്കാന്‍ സാധിക്കുകയുള്ളൂ. 

* സൈനിക ആവശ്യങ്ങള്‍ക്ക്‌ വേണ്ടിയാണ്‌ അമേരിക്കന്‍ ഐക്യനാടുകള്‍ ഈ
സംവിധാനം ആരംഭിച്ചതെങ്കിലും 1980 മുതല്‍ ഇത്‌ പൊതുജനങ്ങള്‍ക്കും ലഭ്യമാകുന്നുണ്ട്‌.

ഇന്ത്യന്‍ റീജ്യനല്‍ നാവിഗേഷന്‍ സാറ്റലൈറ്റ്‌ സിസ്റ്റം (IRNSS)
ജി.പി.എസിനു സമാനമായിഇന്ത്യ സ്വന്തമായി വികസിപ്പിച്ച ഉപഗ്രഹാധിഷ്ഠിത ഗതിനിര്‍ണയസംവിധാനമാണ്‌ ഇന്ത്യന്‍ റീജ്യനല്‍ നാവിഗേഷന്‍ സാറ്റലൈറ്റ്‌ സിസ്റ്റം (IRNSS).

* ഇന്ത്യക്കു പുറമെ പാകിസ്ഥാനും ചൈനയും ഇന്ത്യന്‍ മഹാസമുദ്രവും ഉള്‍പ്പെടെ 1500 കിലോമീറ്റര്‍ ചുറ്റളവ്‌ ഇതിന്റെ നിരീക്ഷണപരിധിയില്‍ വരും. 

* സ്വന്തം ഉപഗ്രഹങ്ങള്‍ മാത്രം പ്രയോജനപ്പെടുത്തി ഇന്ത്യന്‍ മേഖലയുടെ സമ്പൂര്‍ണഭൂപട നിര്‍മ്മാണം എന്ന ആവശ്യത്തിലേക്കായി ഐ.എസ്‌.ആര്‍.ഒ വികസികിച്ച ഉപധ്രഹാധിഷ്ഠിത ഭൂപട നിര്‍മ്മാണ സംവിധാനമാണ്‌ ഭുവന്‍. 

* ഗൂഗിൾ എർത്തിനു ബദലായി ഇന്ത്യയുടെ ഐ.എസ്.ആർ.ഒ നിർമ്മിച്ച ഉപഗ്രഹാധിഷ്ടിത മാപ്പിങ്ങ് ടൂൾ സോഫ്റ്റ്‌വെയറാണ്‌ ഭുവൻ. 

* 2009 മാര്‍ച്ചില്‍ ഇത്‌ പ്രവര്‍ത്തനം ആരംഭിച്ചു. അടിസ്ഥാനപരമായി ഒരു റിമോട്ട്‌ സെന്‍സിങ്‌ ഇമേജ്‌ പോര്‍ട്ടലാണ്‌ ഭുവന്‍. 

* GIS സാങ്കേതികവിദ്യ, വിദൂര സംവേദനം എന്നിവയുടെ പരമാവധി സാധ്യതകള്‍ പ്രയോജനപ്പെടുത്തി ഓണ്‍ലൈന്‍ ഭൂപടം ഒരുക്കുക എന്നതാണ്‌ ഭൂവന്റെ മുഖ്യധര്‍മം. 

* IRS ശ്രേണിയിലുള്ള ഉപഗ്രഹങ്ങളെയാണ്‌ വിവര ശേഖരണത്തിനായി പ്രയോജനപ്പെടുത്തുന്നത്‌. ഗുഗിൾ എര്‍ത്ത്‌, വിക്കി മാപ്പിയ എന്നിവയേക്കാള്‍ കാര്യക്ഷമമായ ഭൂപട നിര്‍മ്മാണ സംവിധാനമാണിത്‌. 

* ഭൂവനിലൂടെ ലഭ്യമാകുന്ന ഭൗമോപരിതല ചിത്രത്തിന്റെ സ്പേഷ്യല്‍ റസല്യുഷന്‍ 10 മീറ്റര്‍ ആണ്‌. അതുകൊണ്ട്‌ തന്നെ അതീവ കൃത്യതയോടെയുള്ള ദൂപടങ്ങള്‍ തയ്യാറാക്കുവാന്‍ ഭൂവനു കഴിയുന്നു.

* രാജ്യത്തിന്റെ പ്രകൃതി വിഭവങ്ങള്‍, പരിസ്ഥിതി എന്നിവയെക്കുറിച്ചും സുസ്ഥിര വികസനത്തില്‍ ഇവയുടെ പങ്കിനെക്കുറിച്ചും കുട്ടികളില്‍ അവബോധം വളര്‍ത്തുന്നതിനായുള്ള ഭൂപടാധിഷ്ഠിത e - ലേർണിങ്‌ സംവിധാനമാണ്‌ സ്കൂള്‍ ഭൂവന്‍. ദേശിയ വിദ്യാദ്യാസ ഗവേഷണ പരിശീലന സമിതി (NCERT), ISRO എന്നിവ സംയുക്തമായാണ്‌ ഈ സംവിധാനം വികസിപ്പിച്ചിട്ടുള്ളത്‌. 
<ഭൂമിശാസ്ത്രത്തിലെ നൂതന സങ്കേതങ്ങള്‍ -ആദ്യ പേജിലേക്ക് പോകാൻ ഇവിടെ ക്ലിക്കുക

<ഈ ബ്ലോഗിലെ മുഴുവന്‍ പോസ്റ്റുകളും ഒരുമിച്ച് കാണുക >

PSC Solved Question Papers ---> Click here 
PSC TODAY's EXAM RESULTS ---> Click here
PSC EXAM PROGRAMME -> Click here
CURRENT AFFAIRS (Degree Level) -> Click here

PSC Degree Level Questions & Answers - Click here
PSC LDC/LGS Questions & Answers - Click here
PSC RANK LISTS / SHORTLISTS -> Click here
PDF BOOKS - Click here
TEACHING APTITUDE TEST (K-TET, C-TET,, etc.) ---> Click here
* SCERT KERALA TEXTBOOKS FOR CLASS II, IV, VI, VIII, IX, X, XII – FREE DOWNLOAD ---> Click here
* NCERT & CBSE TEXTBOOKS FOR ALL CLASSES – FREE DOWNLOAD ---> Click here
* NCERT & CBSE TEXTBOOKS SOLUTIONS FOR ALL CLASSES ---> Click here

Post a Comment

0 Comments