Districts in Kerala: Ernakulam Questions and Answers

കേരളത്തിലെ ജില്ലകൾ: എറണാകുളം - പി.എസ്.സി. ചോദ്യോത്തരങ്ങൾ

PSC 10th, +2, Degree Level Questions & Answers / LDC Questions / Degree Level Questions / LGS / VEO / PSC Exam Questions / PSC Ernakulam Questions / PSC Districts in Kerala: Ernakulam Questions and Answers / PSC Online Coaching / PSC Exam Materials/ Ernakulam Important places / ErnakulamTourist places.

കേരളത്തിലെ ഏറ്റവും വ്യവസായവത്കൃതമായ ജില്ലയാണ് എറണാകുളം. ഇന്ത്യയിലെ ആദ്യത്തെ യൂറോപ്യൻ കോട്ട നിർമിക്കപ്പെട്ടത് കൊച്ചിയിലാണ്. ഇന്ത്യയിൽ പോർച്ചുഗീസുകാർ നിർമിച്ച ആദ്യ പള്ളിയും എറണാകുളം ജില്ലയിലാണ്. ജൂതത്തെരുവുകളും, ചീനവലകളും, ബോൾഗാട്ടി കൊട്ടാരവുമൊക്കെ ഈ ജില്ലയുടെ ഗതകാല പ്രൗഢി വിളിച്ചറിയിക്കുന്നു. പോർച്ചുഗീസുകാരും ഡച്ചുകാരും ഇംഗ്ലിഷുകാരും ആധിപത്യം പുലർത്തിയ കൊച്ചിയുടെ ഇന്നലെകൾ കേരളചരിത്രത്തിലെ സുപ്രധാന ഏടുകളാണ്. അടുത്തറിയാം എറണാകുളം ജില്ലയെ..

ഈ പേജിൽ നൽകിയിരിക്കുന്ന മുഴുവൻ വിവരങ്ങളും പഠിക്കുക. ഏറ്റവും അവസാനമായി നൽകിയിരിക്കുന്ന പരിശീലന ചോദ്യോത്തരങ്ങൾ പ്രത്യേകം ശ്രദ്ധിക്കുക.  

• ജില്ലാ ആസ്ഥാനം- കാക്കനാട്‌

• ഇന്ത്യയില്‍ സമ്പൂര്‍ണ സാക്ഷരത നേടിയ ആദ്യ ജില്ല (1990).

• ഏറ്റവും കുടുതല്‍ ദേശീയപാതകൾ കടന്നുപോകുന്ന ജില്ല.

• കേരളത്തില്‍ ഏറ്റവും കൂടുതല്‍ പ്രതിശീര്‍ഷവരുമാനമുള്ള ജില്ല.

• കേരള ഹൈക്കോടതിയുടെ ആസ്ഥാനം.

• പ്രാചിനകാലത്ത്‌ ഋഷിനാഗകുളം എന്നറിയപ്പെട്ടു.

• ജാതിക്ക, പൈനാപ്പിൾ ഉല്ലാദനത്തില്‍ ഒന്നാം സ്ഥാനം.

പ്രത്യേകതകൾ

• വ്യവസായവത്കരണത്തിന്റെ കാര്യത്തിൽ കേരളത്തിൽ ഒന്നാം സ്ഥാനമുള്ള ജില്ല

• കേരളത്തിൽ ഏറ്റവും കൂടുതൽ വ്യവസായ യൂണിറ്റുകളുള്ള ജില്ല 

• കേരളത്തിൽ ജൂതൻമാർ ഏറ്റവും കൂടുതലുള്ള ജില്ല

• കേരളത്തിൽ ഏറ്റവും കൂടുതൽ വാഹനങ്ങൾ രജിസ്റ്റർ ചെയ്തിട്ടുള്ള ജില്ല 

• ഏറ്റവും കൂടുതൽ നഗരസഭകളുള്ള ജില്ല

• കേരളത്തിലെ ആദ്യത്തെ ശിശുസൗഹ്യദ ജില്ല

• കേരളത്തിലെ ആദ്യത്തെ ബച് ത് (സമ്പാദ്യം) ജില്ല

• ഏറ്റവും കൂടുതൽ നഗരവാസികളുള്ള ജില്ല

• കേരളത്തിൽ ഏറ്റവും കൂടുതൽ (എണ്ണം) ദേശീയ പാതകൾ കടന്നുപോകുന്ന ജില്ല

• കേരളത്തിൽ ഏറ്റവും കൂടുതൽ ദൂരം ദേശീയ പാതകൾ കടന്നുപോകുന്ന ജില്ലയും എറണാകുളമാണ്.

• ഏറ്റവും കൂടുതൽ മ്യൂസിയങ്ങളുള്ള, കേരളത്തിലെ ജില്ല

വിദ്യാഭ്യാസ സ്ഥാപനങ്ങള്‍

• ശ്രി ശങ്കരാചാര്യ സംസ്കൃത സര്‍വകലാശാല - കാലടി

• ശാസ്ത്ര സാങ്കേതിക സര്‍വകലാശാല (CUSAT) - കൊച്ചി

• ഫിഷറീസ്‌ യൂനിവേഴ്‌സിറ്റി - പനങ്ങാട്‌

• നാഷണല്‍ യുനിവേഴ്സിറ്റി ഓഫ്‌ അഡ്വാന്‍സ്ഡ്‌ ലീഗല്‍ സ്റ്റഡീസ്‌ (NUALS)- കലൂര്‍

വ്യവസായ സ്ഥാപനങ്ങള്‍

• ഫെര്‍ട്ടിലൈസര്‍ ആന്‍ഡ്‌ കെമിക്കല്‍സ്‌ ഓഫ്‌ ട്രാവന്‍കൂര്‍ (FACT) - ആലുവ

• ഇന്ത്യന്‍ റെയര്‍ എര്‍ത്ത്‌ ലിമിറ്റഡ്‌ - ആലുവ

• ഹിന്ദുസ്ഥാന്‍ മെഷീന്‍ ടൂൾസ്‌ (HMT) - കളമശ്ശേരി

• സ്മാര്‍ട്ട്‌ സിറ്റി- കാക്കനാട്‌

• കേരള അഗ്രോ മെഷീനറി കോര്‍പ്പറേഷന്‍ - അത്താണി

ആദ്യത്തെത്

• സമ്പൂർണ സാക്ഷരത കൈവരിച്ച ഇന്ത്യയിലെ ആദ്യത്തെ ജില്ല എറണാകുളമാണ് (1990)

• സമ്പൂർണ സാക്ഷരത കൈവരിച്ച ഇന്ത്യയിലെ ആദ്യത്തെ പഞ്ചായത്തായ പോത്തണിക്കാട് എറണാകുളം ജില്ലയിലാണ്. സ്റ്റേറ്റ് ലിറ്ററസി പ്രോഗ്രാമിന്റെ ഭാഗമായിട്ടാണ് ഈ നേട്ടം കൈവരിച്ചത്.

• ഇന്ത്യയിൽ പോർച്ചുഗീസുകാർ നിർമിച്ച ആദ്യ പള്ളി സെന്റ് ഫ്രാൻസിസ് പള്ളി (വാസ്കോഡഗാമയെ ആദ്യം സംസ്കരിച്ചത് ഈ പള്ളിയിലാണ്. 1538-39ൽ ഭൗതികാവശിഷ്ടം സ്വദേശമായ പോർച്ചുഗലിലേക്ക് കൊണ്ടുപോയി)

• ഇന്ത്യയിൽ യൂറോപ്യൻമാർ നിർമിച്ച ആദ്യത്തെ കോട്ട- കൊച്ചിക്കോട്ട. 

• കൊച്ചിയിലെ സെന്റ് ഫ്രാൻസിസ് പള്ളിക്കു സമീപം കടൽക്കരയിലുള്ള ബാസ്റ്റ്യൻ ബംഗ്ളാവ് മുതൽ തെക്കു ഭാഗത്ത് ഡച്ചു സെമിത്തേരിക്കു പിൻഭാഗം വരെ നീണ്ടു കിടക്കുന്നതായിരുന്നു കൊച്ചിക്കോട്ട.

• 1504-ലെ സാമൂതിരിയുടെ കൊച്ചി ആക്രമണത്തിനുശേഷം പോർച്ചുഗീസുകാർ ചെങ്കല്ലും കുമ്മായവും ഉപയോഗിച്ച് കോട്ട ബലപ്പെടുത്തുകയും നിരവധി കൊത്തളങ്ങളും നിരീക്ഷണകേന്ദ്രങ്ങളും മറ്റും നിർമിച്ച് വിപുലമാക്കുകയും ചെയ്തു.

• നിരവധി പള്ളികളും പണ്ടകശാലകളും പട്ടാളക്കാർക്കുള്ള കെട്ടിടങ്ങളും ഓഫീസുകളും ഒക്കെയുണ്ടായിരുന്ന കൊച്ചിക്കോട്ട കേരളത്തിലുള്ള പോർച്ചുഗീസ് സ്ഥാപനങ്ങളുടെ ആസ്ഥാനം കൂടിയായിരുന്നു.

• 1663-ൽ പോർച്ചുഗീസുകാരിൽ നിന്ന് കോട്ട പിടിച്ചെടുത്ത ഡച്ചുകാർ പിന്നീടതിന്റെ വലുപ്പം കുറച്ചു. 1795-ൽ ഡച്ചുകാരിൽനിന്ന് ഇംഗ്ളീഷുകാർ കോട്ട കൈവശപ്പെടുത്തി.

• കാലപ്പഴക്കത്താൽ നശിച്ചു തുടങ്ങിയ കോട്ടയുടെ വലുപ്പം ഇംഗ്ളീഷുകാർ വീണ്ടും കുറയ്ക്കുകയും ക്രമേണ പൂർണമായും ഇല്ലാതാക്കുകയും ചെയ്തു. 

• ഇന്ത്യയിൽ യൂറോപ്യൻമാർ നിർമിച്ചവയിൽ ഏറ്റവും പഴക്കം ചെന്ന കോട്ട - പള്ളിപ്പുറം കോട്ട

• ഈ കോട്ടയ്ക്ക് ആയക്കോട്ട, അഴിക്കോട്ട എന്നീ പേരുകളും ഉണ്ട്. ഷഡ് കോണാകൃതിയിലുള്ള കോട്ട നിർമ്മിക്കാൻ വെട്ടുകല്ലാണ് ഉപയോഗിച്ചിരിക്കുന്നത്.

• പ്രധാന കവാടത്തിന്റെ നിർമാണം കരിങ്കല്ലിലാണ്. 1661ൽ പോർച്ചുഗീസുകാരെ തോൽപിച്ച് കോട്ട പിടിച്ചടക്കിയ ഡച്ചുകാർ പിന്നീടത് തിരുവിതാംകൂറിനു കൈമാറി (1789)

• തിരുവിതാംകൂർ ദിവാൻ രാജാ കേശവദാസൻ മുൻകൈയെടുത്താണ് കോട്ടയെ തിരുവിതാംകൂറിന്റെ സ്വന്തമാക്കിയത്.

• കേരളത്തിലെ ആദ്യത്തെ ഡീസൽ വൈദ്യുതനിലയം- ബ്രഹ്മപുരം 

• ഇന്ത്യയിലെ ആദ്യത്തെ സ്വകാര്യ വിമാനത്താവളം- നെടുമ്പാശ്ശേരി

• നെടുമ്പാശ്ശേരി വിമാനത്താവളത്തിന്റെ ശിൽപി എന്നറിയപ്പെടുന്നത് - കെ

കരുണാകരൻ

• കേരളത്തിലെ ആദ്യത്തെ ബാല പഞ്ചായത്ത് -നെടുമ്പാശ്ശേരി 

• കൊച്ചിയിലെ ആദ്യ ദിവാൻ - കേണൽ മൺറോ (അതിനുമുമ്പ് പാലിയത്തച്ചൻമാർ എന്ന പാരമ്പര്യ മന്ത്രിമാരാണ് ഉണ്ടായിരുന്നത്)

• കേരളത്തിലെ ആദ്യത്തെ പ്രൊഫഷണൽ ഫുട്ബോൾ ക്ലബ്ബ് എഫ്.സി, കൊച്ചിൻ

• കേരളത്തിലെ ആദ്യത്തെ ടൂറിസം ഗ്രാമം - കുമ്പളങ്ങി

• കൊച്ചി കപ്പൽ നിർമാണശാലയിൽ നിർമിച്ച ആദ്യത്തെ കപ്പൽ - എം.വി. റാണി പദ്മിനി (1981)

• കേരളത്തിലെ ആദ്യത്തെ മൾട്ടിപ്ലക് സ് സ്ഥാപിതമായ സ്ഥലം- കൊച്ചി

• കേരളത്തിലെ ആദ്യത്തെ ഇലക്ട്രിക് ട്രെയിൻ ഓടിയത് - എറണാകുളം മുതൽ ഷൊർണൂർ വരെയാണ് (2000 ഏപ്രിൽ 21).

• കേരളത്തിലെ ആദ്യത്തെ സ്പീഡ് പോസ്റ്റ് സെന്റർ- എറണാകുളം 

• കേരളത്തിലെ ആദ്യത്തെ കരൾമാറ്റ ശസ്ത്രക്രിയ നടത്തിയ ആശുപത്രി അമൃതാ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസ്, ഇടപ്പള്ളി, ഇതിന് നേതൃത്വം നൽകിയത് ഡോ.സുധീന്ദ്രൻ ആണ്.

• കേരളത്തിലെ ആദ്യത്തെ ഹൃദയം മാറ്റിവയ്ക്കൽ ശസ്ത്രക്രിയ നടത്തിയ ആശുപത്രി മെഡിക്കൽ ട്രസ്റ്റ് (എറണാകുളം). ഡോ. ജോസ് ചാക്കോ പെരിയപുരമാണ് ശസ്ത്രക്രിയ നടത്തിയത് (2003).

• ഇന്ത്യയിൽ രാജ്യാന്തരപദവി ലഭിച്ച ആദ്യത്തെ തീർഥാടന കേന്ദ്രം- മലയാറ്റൂർ 

• കേരളത്തിലെ ആദ്യത്തെ വനിതാ പഞ്ചായത്ത് പ്രസിഡന്റ് - അന്നമ്മ ജേക്കബ്ബ് (കവളങ്ങാട് പഞ്ചായത്ത്) 1968

• കേരളീയ മാതൃകയിൽ യൂറോപ്യൻമാർ (പോർച്ചുഗീസുകാർ) ഇന്ത്യയിൽ നിർമിച്ച ആദ്യത്തെ കൊട്ടാരമാണ് മട്ടാഞ്ചേരി കൊട്ടാരം, പെരുമ്പടപ്പുസ്വരൂപത്തിന്റെ ഭരദേവതയായ പഴയന്നൂർ ഭഗവതിയെ ഈ നാലുകെട്ട്കൊട്ടാരത്തിന്റെ നടുമുറ്റത്ത് പ്രതിഷ്ഠിച്ചിരിക്കുന്നു. ഇത് കൊച്ചി പഴയന്നൂര്‍ ഭഗവതിക്ഷേത്രം എന്നറിയപ്പെടുന്നു.

• എന്നാൽ തൃശ്ശൂര്‍ ജില്ലയിലെ (thrissur) പഴയന്നൂരില്‍ സ്ഥിതിചെയ്യുന്ന ക്ഷേത്രമാണ് ശ്രീ പഴയന്നൂര്‍ ഭഗവതിക്ഷേത്രം (Pazhayannur bhagavathy temple). കൊച്ചി രാജവംശത്തിന്റെ പരദേവതയും ഉപാസനമൂര്‍ത്തിയുമാണ് പഴയന്നൂര്‍ ഭഗവതി എന്ന് വിശ്വാസം.

• കേരളത്തിലെ ആദ്യത്തെ ടൂറിസം പൊലീസ് സ്റ്റേഷൻ ഫോർട്ട് കൊച്ചി 

• ഇന്ത്യയിലെ ആദ്യത്തെ റബ്ബർ പാർക്ക് - ഐരാപുരം

• ഇന്ത്യയിലെ ആദ്യത്തെ മാതൃകാ മത്സ്യ ബന്ധന ടൂറിസം ഗ്രാമം - കുമ്പളങ്ങി

• കേരളത്തിലെ ആദ്യത്തെ സ്പീഡ് പോസ്റ്റ് സെന്റർ- കൊച്ചി

• ഇന്ത്യയിലെ ആദ്യത്തെ അക്വാ ടെക് നോളജി പാർക്ക് സ്ഥാപിക്കാൻ ഉദ്ദേശിക്കുന്ന സ്ഥലം- എറണാകുളം ജില്ലയിലെ കിഴക്കേ കൊടുങ്ങല്ലൂർ 

• എറണാകുളം ജില്ലയിലെ പനങ്ങാട് ആസ്ഥാനമായ ഫിഷറീസ് സർവകലാശാലയുടെ ആദ്യത്തെ വൈസ് ചാൻസലർ ഡോ.മധുസൂദനക്കുറുപ്പ് 

• ബിനാലേക്ക് ആതിഥേയത്വം വഹിച്ച ആദ്യ ഇന്ത്യൻ നഗരം കൊച്ചിയാണ്. 

• കൊച്ചി തുറമുഖത്തെക്കുറിച്ച് പ്രതിപാദിച്ച ആദ്യത്തെ വിദേശ സഞ്ചാരി മാഹ്വാനാണ്. (Ma Huan was a Chinese traveller)

• എ.ടി.എമ്മിലൂടെ പാൽ ലഭ്യമാകുന്ന സംവിധാനം മിൽമ കേരളത്തിലാദ്യമായി ആവിഷ്കരിച്ചത് കൊച്ചിയിലാണ്. 

• കൊച്ചി നിയമനിർമാണസഭയിൽ അംഗമായ ആദ്യ വനിത തോട്ടയ്ക്കാട്ട് മാധവിയമ്മയാണ്. മന്നത്ത് പദ്മനാഭന്റെ സഹധർമ്മണിയായിരുന്നു അവർ. ഇന്ത്യയിൽ ഒരു നിയമനിർമാണസഭയുടെ തുടക്കത്തിൽത്തന്നെ ഒരു വനിതയെ സർക്കാർ നാമനിർദ്ദേശം ചെയ്ത് അംഗമാക്കിയ ആദ്യ അവസരമായിരുന്നു അത് (1925)

• ജോൺ ഗോൺസാൽവസ് 1577-ൽ കൊച്ചിയിൽ അച്ചടിച്ച മലബാർ തമിഴിലുള്ള വേദോപദേശമാണ് കേരളത്തിൽ അച്ചടിച്ച ആദ്യഗ്രന്ഥം. 

• മലയാളം അക്ഷരങ്ങൾ ആദ്യമായി അച്ചടിച്ചത് 1678-ൽ ഹോളണ്ടിലെ (നെതർലൻഡ്സ്) ആംസ്റ്റർഡാമിൽ മുദ്രണം ചെയ്ത ഹോർത്തൂസ് മലബാറിക്കസ് എന്ന ഗ്രന്ഥത്തിലാണ്. 

• കേരളത്തിലെ ആദ്യത്തെ ഫുൾ ഫോർമാറ്റ് ഷോപ്പിംഗ് മാൾ കൊച്ചിയിലെ ഒബറോൺ മാളാണ്. 

• കേരളത്തിലെ ആദ്യത്തെ സാറ്റലൈറ്റ് മണിയോർഡർ സ്റ്റേഷൻ കൊച്ചിയിലാണ് സ്ഥാപിച്ചത്.

• ഇന്ത്യയിലെ ആദ്യത്തെ സയൻസ് സ്കൂൾ സ്ഥാപിച്ചത് കൊച്ചിയിലാണ്. 

• കൊച്ചിയിൽ കേരളത്തിലെ ആദ്യത്തെ പ്രത്യേക സാമ്പത്തിക മേഖല നിലവിൽവന്നത് 1983-ലാണ്.

• കേരളത്തിലെ ആദ്യത്തെ ശിശു സൗഹാർദ്ദ സ്കൂൾ നഗരമാണ് കൊച്ചി (2008).

• കേരളത്തിലെ ആദ്യത്തെ ടെലഫോൺ എക്സ്ചേഞ്ച് സ്ഥാപിതമായത് 1923-ൽ കൊച്ചിയിലാണ്. 

• മിഷണറിമാരുടേതല്ലാത്ത ആദ്യ മലയാള പത്രമാണ് കൊച്ചിയിൽ നിന്ന് 1864-ൽ പുറത്തിറങ്ങിയ പശ്ചിമതാരക. വെസ്റ്റേൺ സ്റ്റാർ എന്ന ഇംഗ്ലീഷ് പത്രത്തിന്റെ തനി തർജമയായിരുന്നു അത്.

• മലയാളത്തിലെ ആദ്യത്തെ വാരികയാണ് 1881-ൽ കൊച്ചിയിൽനിന്ന് പുറത്തിറങ്ങിയ കേരളമിത്രം. കണ്ടത്തിൽ വറുഗീസ് മാപ്പിളയായിരുന്നു എഡിറ്റർ. 

• സ്ത്രീ-ബാലപീഢനകേസുകൾ വിചാരണ ചെയ്യാൻ രാജ്യത്തെ ആദ്യത്തെ ഫാസ്റ്റ് ട്രാക്ക് കോടതി സ്ഥാപിച്ചത് കൊച്ചിയിലാണ്.

• മത്സ്യങ്ങൾക്കുവേണ്ടിയുള്ള ഇന്ത്യയിലെ ആദ്യത്തെ ആശുപത്രി സ്ഥാപിക്കുന്നത് കൊച്ചിയിലാണ്. 

• യു.ജി.സിയുടെ സ്വയംഭരണ പദവി ലഭിച്ച കേരളത്തിലെ ആദ്യത്തെ സർക്കാർ കോളേജാണ് എറണാകുളം മഹാരാജാസ് കോളേജ്.

• കേരളത്തിലെ ആദ്യത്തെ കമ്യൂണിസ്റ്റ് എം.എൽ.എ. എന്നറിയപ്പെടുന്നത് 1949-ൽ കൊച്ചി നിയമസഭാംഗമായ ഇ. ഗോപാലകൃഷ്ണമേനോനാണ്.

• എസ്കലേറ്റർ സംവിധാനമുള്ള കേരളത്തിലെ ആദ്യത്തെ റെയിൽവേ സ്റ്റേഷനാണ് എറണാകുളം സൗത്ത് (2013). 

• ഇന്ത്യയിലെ ആദ്യത്തെ ഇ-തുറമുഖം കൊച്ചിയാണ്.

• ഒരു കേരളീയന്റെ പേരിൽ അറിയപ്പെടുന്ന കേരളത്തിലെ ആദ്യ സർവകലാശാലയാണ് ശ്രീശങ്കര സംസ്കൃത സർവകലാശാല.

• പൊതു-സ്വകാര്യ പങ്കാളിത്തത്തോടെ ഇന്ത്യയിൽ തുടങ്ങിയ ആദ്യത്തെ ബിസിനസ് ഇൻകുബേറ്ററാണ് കൊച്ചി സ്റ്റാർട്ട് അപ് വില്ലേജ്.

• ആവശ്യമായ മുഴുവൻ വൈദ്യുതിയും സ്വന്തം നിലയിൽ ഉൽപാദിപ്പിക്കുന്ന ലോകത്തെ ആദ്യത്തെ വിമാനത്താവളമാണ് നെടുമ്പാശ്ശേരി.

• 1583 ൽ മറ്റു ചില വ്യാപാരികളുമൊത്ത് ഇംഗ്ലണ്ടിൽ നിന്ന് പുറപ്പെട്ട് കൊച്ചിയിലെത്തിയ മാസ്റ്റർ റാൽഫ് ഫിച്ചാണ് കേരളത്തിലെത്തിയ ആദ്യത്തെ ഇംഗ്ലീഷുകാരൻ.

• കേന്ദ്ര മന്ത്രിയായിരിക്കെ അന്തരിച്ച ആദ്യ മലയാളി പനമ്പിള്ളി ഗോവിന്ദ മേനോനാണ്.

• കൊച്ചിരാജ്യത്ത് നിരോധിക്കപ്പെട്ട ആദ്യത്തെ പത്രമാണ് ലോകമാന്യൻ (1923).

• ഇന്ത്യയിലെ ആദ്യത്തെ എയർ കണ്ടിഷൻഡ് ഡെമു (ഡീസൽ ഇലക്ട്രിക്കൽ മൾട്ടിപ്പിൾ യൂണിറ്റ്) ഓടിയത് കൊച്ചിയിലാണ് (2015).

• 2004-ൽ സ്റ്റേറ്റ് ബാങ്ക് ഓഫ് ഇന്ത്യയാണ് കേരളത്തിലെ ആദ്യത്തെ ഒഴുകുന്ന എ.ടി.എം. കൊച്ചിക്കും വൈപ്പിൻ ദ്വീപിനും ഇടയിൽ സർവീസ് നടത്തുന്ന ഒരു ജങ്കാറിൽ സ്ഥാപിച്ചത്. 

• ഭാരതീയ സഭകളിൽനിന്ന് ആദ്യം പരിശുദ്ധനായി പ്രഖ്യാപിക്കപ്പെട്ടത് (1947) പരുമല തിരുമേനിയാണ് (ഗീവർഗീസ് മാർ ഗ്രിഗോറിയോസ്).

• മലയാളത്തിൽ അച്ചടിച്ച ആദ്യത്തെ യാത്രാവിവരണം പരുമല തിരുമേനിയുടെ ഊർശ്ളേം യാത്രാവിവരണമാണ് (1895). പരുമല തിരുമേനിയുടെ യെരുശലേം സന്ദർശനമാണ് പ്രതിപാദ്യം. 

• മലയാളത്തിലെ ആദ്യത്തെ യാത്രാവിവരണമായ വർത്തമാന പുസ്തകം 1785-ൽ എഴുതപ്പെട്ടെങ്കിലും അച്ചടിച്ചു പ്രസിദ്ധീകരിച്ചത് 1936-ൽ ആണ്. 

• സച്ചിൻ ടെൻഡുൽക്കറുടെ പേരിൽ പവലിയൻ ആരംഭിച്ച കേരളത്തിലെ ആദ്യത്തെ സ്റ്റേഡിയമാണ് കൊച്ചിയിലെ ജവാഹർലാൽ നെഹ്രു സ്റ്റേഡിയം. 

• കേരളത്തിലെ ആദ്യത്ത പക്ഷി സങ്കേതമാണ് തട്ടേക്കാട്.

• ഇന്ത്യയിലെ ആദ്യത്തെ സമ്പൂർണ്ണ ഗർഭസ്ഥ ശിശു ചികിത്സ വിഭാഗം ആരംഭിച്ച അമൃത ഫീറ്റൽ കെയർ സെന്റർ കൊച്ചിയിലാണ്. 

• കേരളത്തിൽ എ.ടി.എം. സംവിധാനം ഏർപ്പെടുത്തിയ ആദ്യ സഹകരണ ബാങ്ക് എറണാകുളം ജില്ലാ സഹകരണ ബാങ്കാണ്.

• യേശുദാസിനെ ആദ്യമായി ഗാനഗന്ധർവൻ എന്നു വിശേഷിപ്പിച്ചത് ജി.ശങ്കരക്കുറുപ്പാണ്.

• കേരളത്തിൽ ആദ്യമായി റബ്ബർതൈ നട്ടത് നേര്യമംഗലത്താണ്. ജോൺ ജോസഫ് മർഫി എന്ന അയർലൻഡു കാരനാണ് അതിനു മുൻകൈ എടുത്തത്. പിന്നീട് കോട്ടയം ജില്ലയിലെ മുണ്ടക്കയത്തിനടുത്തുള്ള ഏന്തയാറിൽ അദ്ദേഹം റബ്ബർ കൃഷി ചെയ്തു.

നദികള്‍

• പെരിയാര്‍,

• മൂവാറ്റുപുഴയാര്‍

ടൂറിസ്റ്റ് കേന്ദ്രങ്ങള്‍

• ഭൂതത്താന്‍കെട്ട്‌,

• ബോൾഗാട്ടി ദ്വീപ്‌,

• ഗുണ്ടു ദ്വീപ്‌,

• പാണിയേലിപ്പോര്‌,

• മട്ടാഞ്ചേരി ജൂതപള്ളി,

• മലയാറ്റൂര്‍ കുരിശുമുടി

• ഇടമലയാർ ജലവൈദ്യുത പദ്ധതി

• ബ്രഹ്മപുരം ഡീസല് വൈദ്യുത നിലയം

• ബി എസ് ഇ എസ് താപനിലയം

വേറിട്ട വസ്തുതകള്‍

• പെരുമ്പടപ്പ്‌ സ്വരൂപം എന്നറിയപ്പെട്ടത്‌ കൊച്ചി രാജവംശമാണ്‌.

• കൊച്ചിയുടെ സുവര്‍ണകാലഘട്ടം എന്നറിയപ്പെട്ടത്‌ ശക്തന്‍ തമ്പുരാന്റെ കാലഘട്ടമാണ്‌.

• ഇന്ത്യയില്‍ യൂറോപ്യന്‍മാര്‍ നിര്‍മിച്ച ആദ്യ കോട്ടയായ മാനുവല്‍ കോട്ട - പള്ളിപ്പുറം, വൈപ്പിന്‍, ആയക്കോട്ട എന്നിങ്ങനെ അറിയപ്പെടുന്നു.

• പണ്ഡിറ്റ്‌ കറുപ്പന്‍ വാലസമുദായ പരിഷ്കാര സഭയ്ക്ക് തുടക്കമിട്ടത്‌ - തേവര (കൊച്ചി) യിലാണ്‌.

• സഹോദരന്‍ അയ്യപ്പന്‍ സഹോദരസംഘത്തിന് തുടക്കമിട്ടത്‌ ചെറായിലാണ്‌.

• കൊച്ചിരാജാവിന്റെ പ്രധാനമന്ത്രിയായിരുന്ന പാലിയത്തച്ഛന്മാരുടെ ആസ്ഥാനമായിരുന്നു ചേന്ദമംഗലം.

• അയിത്ത നിര്‍മാര്‍ജനവുമായി ബന്ധപ്പെട്ട്‌ 1948ല്‍ നടന്ന സത്യാഗ്രഹമാണ്‌ പാലിയം സത്യാഗ്രഹം.

• ഉദയംപേരൂര്‍ സുന്നഹദോസ്‌ 1599ലും കൂനന്‍കുരിശ്‌പ്രതിജ്ഞ (മട്ടാഞ്ചേരി) 1655ലുമാണ്‌ നടന്നത്‌.

• 1941ല്‍ കൊച്ചി പ്രജാമണ്ഡലം സ്ഥാപിച്ചത്‌ വി.ആര്‍.കൃഷ്ണനെഴുത്തച്ഛന്‍.

• പോര്‍ച്ചുഗീസുകാരുടെ ഇന്ത്യയിലെ ആദ്യ തലസ്ഥാനമായിരുന്നു കൊച്ചി.

• യുൂറോപ്യന്‍രേഖകളില്‍ 'റപ്പോളിന്‍' എന്നറിയപ്പപെട്ടിരുന്നത്‌ ഇടപ്പള്ളി.

• ഇളങ്ങല്ലൂര്‍ സ്വരൂപം എന്നറിയപ്പെട്ടിരുന്നത്‌ ഇടപ്പള്ളി രാജവംശമാണ്‌.

• കൊച്ചിരാജാക്കന്‍മാരുടെ കിരീടധാരണം നടന്ന സ്ഥലമാണ്‌ ചിത്രകൂടം.

• കേരളത്തിലെ ആദ്യ ശിശുസൗഹൃദ ജില്ല - എറണാകുളം.

• അറബികടലിന്റെ റാണി എന്ന്‌ കൊച്ചിയെ വിശേഷിപ്പിച്ചത്‌ ആര്‍.കെ ഷണ്‍മുഖം ചെട്ടിയാണ്‌.

• കേരളത്തിലെ ഏക ക്രിസ്ത്യന്‍ രാജവംശമാണ്‌ വില്ല്യാര്‍വട്ടം.

• കേരളത്തിന്റെ വ്യാവസായിക തലസ്ഥാനം എന്നറിയപ്പെടുന്നത്‌ കാക്കനാട്‌ (എറണാകുളം).

• കൊച്ചി തുറമുഖത്തിന്റെ ആഴം വര്‍ധിപ്പിക്കുന്നതിന്റെ ഫലമായി രൂപപ്പെട്ട വെല്ലിങ്ടണ്‍ ദ്വീപാണ്‌ കേരളത്തിലെ ഏക കൃത്രിമ ദ്വീപ്.

• കേരളത്തിലെ ഏറ്റവും ചെറിയ ദേശീയപാത 966B (കുണ്ടന്നൂര്‍- വെല്ലിങ്ടണ്‍).

• കേരളത്തിലെ ഏക ജൂതത്തെരുവ്‌ മട്ടാഞ്ചേരിയിലാണ്.

• കേരളത്തിലെ നിലവിലുള്ള ഏക ജൂതദേവാലയം സ്ഥിതിചെയ്യുന്നത്‌ മട്ടാഞ്ചേരിയിലാണ്‌.

• മംഗളവനം പക്ഷിസങ്കേതമാണ്‌ കേരളത്തിലെ ഏറ്റവും ചെറിയ വന്യജീവിസങ്കേതം.

• കേരളത്തിലെ ആദ്യ പക്ഷിസങ്കേതമായ തട്ടേക്കാട്‌ സാലിം അലി പക്ഷിസങ്കേതം എന്നറിയപ്പെടുന്നു.

• സ്വകാര്യ പങ്കാളിത്തത്തോടെ ഇന്ത്യയില്‍ നിര്‍മിച്ച ആദ്യ വിമാനത്താവളമാണ്‌ നെടുമ്പാശ്ശേരി അന്താരാഷ്ട്ര വിമാനത്താവളം.

• കേരളത്തിലെ ആദ്യ ഡീസല്‍ വൈദ്യുതനിലയം ബ്രഹ്മപുരത്താണ്.

• കേരളത്തിലെ ഏറ്റവും വലിയ ആര്‍ക്കിയോളജിക്കുല്‍ മ്യൂസിയം തൃപ്പുണിത്തുറ ഹില്‍പാലസ്‌ മ്യൂസിയമാണ്‌.

• ഇന്ത്യയിലെ ആദ്യ റബ്ബര്‍പാര്‍ക്ക്‌ ഐരാപുരത്താണ്‌.

• കേരളത്തിലെ ആദ്യ സ്വാശ്രയ സര്‍വകലാശാലയാണ്‌ കൊച്ചി നിയമസര്‍വകലാശാല (NUALS).

• ഇന്ത്യയിലാദ്യമായി ഇലക്ട്രോണിക്‌ വോട്ടിങ്‌ യന്ത്രം ഉപയോഗിച്ച്‌ തിരഞ്ഞെടുപ്പ്‌ നടത്തിയത്‌ വടക്കന്‍ പറവൂർ (1982).

• കേരളത്തിലെ ഏറ്റവും വലിയ പൈനാപ്പിൾ വിപണനകേന്ദ്രം വാഴക്കുളം.

• കേരളത്തിലെ ആദ്യ മാതൃക മത്സ്യബന്ധനഗ്രാമം, ടൂറിസ്റ്റ്‌ ഗ്രാമം എന്നറിയപ്പെടുന്നത്‌ കുമ്പളങ്ങി.

• കേരള പഞ്ചായത്ത്‌രാജ്‌ സംവിധാനം 1960-ല്‍ നെഹ്റു ഉദ്ഘാടനം ചെയ്തത്‌ എറണാകുളത്താണ്‌.

• കേരളത്തില്‍ ഏറ്റവും കൂടുതല്‍ മഴ ലഭിക്കുന്നത്‌ നേര്യമംഗലത്താണ്‌.

• കേരളത്തിലെ ആദ്യ കരൾ മാറ്റിവെക്കല്‍ ശസ്ത്രക്രിയ നടന്നത്‌ അമൃത ഇൻസ്റ്റിറ്റ്യൂട്ട് ഓഫ് മെഡിക്കല്‍ സയന്‍സസ്‌ (കൊച്ചി).

• കേരളത്തിലെ ആദ്യഹൃദയം മാറ്റിവെക്കല്‍ ശസ്ത്രക്രിയ നടന്നത്‌ എറണാകുളം മെഡിക്കൽ ട്രസ്റ്റ് ഹോസ്പിറ്റൽ (ജോസ്‌ചാക്കോ പെരിയപുറം നടത്തി).

• ആദ്യത്തെ മിനറല്‍ വാട്ടര്‍ പ്ലാന്‍റ്‌ സ്ഥാപിക്കപ്പെട്ട കുമ്പളങ്ങിയിലാണ്‌.

• കേരളത്തില്‍ സ്പീഡ്പോസ്റ്റ്‌ സംവിധാനത്തിന് തുടക്കമിട്ടത്‌ കൊച്ചിയിലാണ്‌.

• ഇന്ത്യയിലെ ആദ്യത്തെ ഒഴുകുന്ന എം ടി.എം കൊച്ചി വൈപ്പിന്‍ ദ്വീപിലാണ്‌ സ്ഥാപിച്ചത്.

• 1974-ല്‍ ഡച്ചുകാരാണ്‌ കൊച്ചിയിലെ ബോൾ ഗാട്ടി പാലസ്‌ പണിതത്‌.

• 1568-ല്‍ പോര്‍ച്ചുഗീസുകാര്‍ നിര്‍മിച്ച കൊട്ടാരമാണ് ഇപ്പോൾ ഡച്ച്‌ കൊട്ടാരം എന്ന റിയപ്പെടുന്നത്‌ (മട്ടാഞ്ചേരി).

• ആനപരിശിീലനകേന്ദ്രം സ്ഥിതിചെയ്യുന്നത കോടനാട്‌.

• അദ്വൈതാചാര്യനായ ശങ്കരാചാര്യരുടെ ജന്മസ്ഥലമായ കാലടി പെരിയാറിന്റെ തീരത്താണ്‌.

• ഏഷ്യയിലെ ഏക ക്രിസ്ത്രീയ അന്താരാഷ്ട തീര്‍ത്ഥാടനകേന്ദ്രമാണ്‌ മലയാറ്റൂര്‍ പള്ളി.

• കോതമംഗലമാണ്‌ ഹൈറേഞ്ചിന്റെ കവാടം എന്നറിയപ്പെടുന്നത്‌.

• ജില്ലയിലെ പ്രസിദ്ധമായ വൈദ്യുതപദ്ധിതികളാണ് ബ്രഹ്മപുരം, ഇടമലയാര്‍, നേര്യമംഗലം.

• കേരളത്തിലെ ആദ്യ ടൂറിസ്റ്റ്‌ പോലിസ്‌ സ്റ്റേഷൻ ഫോര്‍ട്ട്‌ കൊച്ചിയിലാണ്‌.

• കേരളത്തിലെ ആദ്യത്തെ ഇംഗ്ലീഷ്‌ സ്‌കൂൾ മട്ടാഞ്ചേരിയിലാണ്‌ സ്ഥാപിതമായത്‌

• വാസ്‌കോ ഡ ഗാമയുടെ ഭൗതികശരീരം അടക്കം ചെയ്തിരുന്നത്‌ കൊച്ചിയിലെ സെന്‍റ്‌ ഫ്രാന്‍സിസ്‌ പള്ളിയിലായിരുന്നു.

• ഇന്ത്യയില്‍ ആദ്യത്തെ ടെലികോം സ്റ്റാര്‍ട്ട്‌ അപ്പ്‌ വില്ലേജ്‌ കളമശ്ശേരിയില്‍ ആരംഭിച്ചു.

• ആലുവാ അദ്വൈതാശ്രമം സ്ഥാപിച്ചത്‌ ശ്രീനാരായണഗുരു. ഇവിടെവെച്ചാണ്‌ 'ഒരു ജാതി ഒരു മതം ഒരു ദൈവം മനുഷ്യന്‌ എന്ന സന്ദേശം അദ്ദേഹം നല്‍കിയത്‌.

• ആലുവായില്‍വെച്ചാണ്‌ പെരിയാര്‍ മംഗലപ്പുഴയെന്നും മാര്‍ത്താണ്ഡന്‍പുഴയെന്നും രണ്ടായി പിരിയുന്നത്‌.

സ്മാരകങ്ങൾ, മ്യൂസിയങ്ങള്‍

• കേരള ചരിത്ര മ്യൂസിയം- ഇടപ്പള്ളി

• പരീക്ഷിത്തുതമ്പുരാന്‍ മ്യൂസിയം - എറണാകുളം

• കേരള ഫോക്ലോര്‍ മ്യൂസിയം - തേവര

• ചങ്ങമ്പുഴ സ്മാരകം - ഇടപ്പള്ളി

• സഹോദരന്‍ അയ്യപ്പന്‍ സ്മാരകം- ചെറ്റായി

ഗവേഷണ കേന്ദ്രങ്ങള്‍

• പുല്‍ത്തൈല ഗവേഷണകേന്ദ്രം - ഓടക്കാലി

• നെല്ല് ഗവേഷണകേന്ദ്രം - വൈറ്റില

• സെന്‍ട്രല്‍ മറൈന്‍ ഫിഷറീസ്‌ റിസര്‍ച്ച്‌ ഇൻസ്റ്റിറ്റ്യൂട്ട് - കൊച്ചി

• പൈനാപ്പിൾ ഗവേഷണ കേന്ദ്രം- വാഴക്കുളം

ആസ്ഥാന മന്ദിരങ്ങള്‍

• കേരള പ്രസ്‌ അക്കാദമി- കാക്കനാട്‌

• സ്പൈസസ്‌ ബോര്‍ഡ്‌ - കൊച്ചി

• നാളീകേര വികസന ബോര്‍ഡ്‌ - കൊച്ചി

• കേരള സ്റ്റേറ്റ്‌ സിവില്‍ സപ്ലൈസ്‌ കോര്‍പ്പറേഷന്‍ - കാക്കനാട്‌

• കേരള സ്റ്റേറ്റ്‌ ബാംബൂ കോര്‍പ്പറേഷന്‍ - അങ്കമാലി

• CBIയുടെ കേരളത്തിലെ ആസ്ഥാനം - കൊച്ചി

• ദക്ഷിണ നാവിക കമാന്‍ഡ്‌ - കൊച്ചി

• കേരള സ്റ്റേറ്റ്‌ വെയര്‍ഹസിങ്‌ കോര്‍പ്പറേഷന്‍ - എറണാകുളം

പരിശീലന ചോദ്യോത്തരങ്ങൾ 

1. വ്യവസായവൽക്കരണത്തിന് കാര്യത്തിൽ കേരളത്തിൽ ഒന്നാം സ്ഥാനത്തു നിൽക്കുന്ന ജില്ല...? 

- എറണാകുളം

2. പ്രാചീനകാലത്ത് ഋഷിനാഗകുളം എന്നറിയപ്പെട്ടിരുന്നത്...? 

- എറണാകുളം.

3. ഇന്ത്യയിൽ സമ്പൂർണ്ണ സാക്ഷരത നേടിയ ആദ്യ ജില്ല...? 

- എറണാകുളം 1990

4. എറണാകുളം ജില്ലയുടെ ആസ്ഥാനം...? 

- കാക്കനാട്

5. ഏറ്റവും കൂടുതൽ മുനിസിപ്പാലിറ്റികൾ ഉള്ള ജില്ല...? 

- എറണാകുളം 13

6. ഏറ്റവും കൂടുതൽ താലൂക്കുകൾ ഉള്ള ജില്ലകൾ...? 

- എറണാകുളം മലപ്പുറം തൃശൂർ

7. കേരളത്തിൽ ഏറ്റവും കൂടുതൽ വാഹന രജിസ്ട്രേഷൻ ചെയ്തിട്ടുള്ള ജില്ല...? 

- എറണാകുളം

8. ഉദയംപേരൂർ സുന്നഹദോസ് നടന്ന പള്ളി സ്ഥിതി ചെയ്യുന്നത്...? 

- എറണാകുളം 1599

9. കൊച്ചി തുറമുഖത്തിന് ശില്പി...? 

- റോബർട്ട് ബ്രിസ്റ്റോ

10. വെല്ലിംഗ്ടൺ ദ്വീപിലെ റോബിൻസൺ ക്രൂസോ എന്നറിയപ്പെടുന്നത്...? 

- റോബർട്ട് ബ്രിസ്റ്റോ

11. കൊച്ചിൻ സാഗ എന്ന ഗ്രന്ഥത്തിന്റെ കർത്താവ്...? 

- റോബർട്ട് ബ്രിസ്റ്റോ

12. ഇടമലയാർ പദ്ധതി സ്ഥിതി ചെയ്യുന്ന ജില്ല...? 

- എറണാകുളം

13. ഭൂതത്താൻകെട്ട് അണക്കെട്ട് സ്ഥിതി ചെയ്യുന്ന ജില്ല...? 

- എറണാകുളം

14. കൊച്ചി കപ്പൽ നിർമ്മാണശാല യിൽ നിർമിച്ച ആദ്യ കപ്പൽ...? 

- റാണി പത്മിനി 1981

15. മട്ടാഞ്ചേരിയിൽ ആദ്യത്തെ ഇംഗ്ലീഷ് സ്കൂൾ സ്ഥാപിച്ചത്...? 

- ജെ ഡൗസൺ 

16. കൊച്ചിയിൽ ആദ്യത്തെ ഇംഗ്ലീഷ് സ്കൂൾ സ്ഥാപിക്കപ്പെട്ട വർഷം...? 

-1818

17. ഗോശ്രീ പാലം സ്ഥിതിചെയ്യുന്നത്...? 

- എറണാകുളം

18. വല്ലാർപാടത്തെ എറണാകുളമായും വൈപ്പിൻ ദ്വീപുമായും ബന്ധിപ്പിക്കുന്ന പാലം...? 

- ഗോശ്രീ പാലം

19. കൊച്ചിൻ കപ്പൽ നിർമ്മാണ ശാലയുടെ നിർമാണത്തിന് മേൽനോട്ടം വഹിച്ച ജപ്പാനീസ് കമ്പനി....? 

- മിസ്തുബിഷി ഹെവി ഇൻഡസ്ട്ര

20. കൊച്ചിയിൽ പ്രചാരത്തിൽ ഉണ്ടായിരുന്ന ഏറ്റവും പഴയ നാണയം...? 

- കാലിയമേനി

21. കേരളത്തിൽ ഏക സ്റ്റോക്ക് എക്സ്ചേഞ്ച് ചെയ്യുന്ന പട്ടണം...? 

- കൊച്ചി 1978

22. കേരളത്തിലെ ആദ്യ മെട്രോ റെയിൽ പദ്ധതി ആരംഭിച്ചത്...? 

- കൊച്ചി

23. ബിനാലെയ്ക്ക് വേദിയായ ആദ്യ ഇന്ത്യൻ നഗരം...? 

- കൊച്ചി

24. കേരളത്തിലെ ആദ്യ ബാല പഞ്ചായത്ത്...? 

- നെടുമ്പാശ്ശേരി

25. കേരളത്തിലെ ആദ്യത്തെ ശിശു സൗഹൃദ ജില്ല...? 

- എറണാകുളം

26. കേരളത്തിൽ ഏറ്റവും കൂടുതൽ ചെറുകിട വ്യവസായ യൂണിറ്റുകൾ ഉള്ള ജില്ല...? 

- എറണാകുളം

27. കേരളത്തിലെ ആദ്യത്തെ സ്പീഡ് പോസ്റ്റ് സെന്റർ...? 

- എറണാകുളം

28. കേരളത്തിന്റെ വ്യാവസായിക തലസ്ഥാനം...? 

- കൊച്ചി

29. ഏറ്റവും കൂടുതൽ ദേശീയപാതകൾ കടന്നുപോകുന്ന കേരളത്തിലെ ജില്ല...? 

- എറണാകുളം

30. കേരളത്തിൽ ജൂതന്മാർ ഏറ്റവും കൂടുതലുള്ള ജില്ല...? 

- എറണാകുളം

31. ഓണത്തിന്റെ വരവറിയിച്ചുകൊണ്ട് പ്രസിദ്ധമായ അത്തച്ചമയം നടക്കുന്ന സ്ഥലം...? 

- തൃപ്പൂണിത്തറ

32. ഇന്ത്യയിലെ ആദ്യ റബ്ബർ പാർക്ക് സ്ഥിതി ചെയ്യുന്ന സ്ഥലം...? 

- ഐരാപുരം

33. കേരള ഹിസ്റ്ററി മ്യൂസിയം സ്ഥിതിചെയ്യുന്നത്...? 

- ഇടപ്പള്ളി

34. യൂറോപ്യൻ രേഖകളിൽ 'റിപ്പോളിൻ' എന്ന് പരാമർശിക്കുന്ന സ്ഥലം...? 

- ഇടപ്പള്ളി

35. കേരളത്തിലെ ഏറ്റവും വലിയ ആർക്കിയോളജിക്കൽ മ്യൂസിയം...? 

- തൃപ്പൂണിത്തറ ഹിൽ പാലസ്

36. സ്വകാര്യ പൊതുമേഖലാ പങ്കാളിത്തത്തോടെ ആരംഭിച്ച ഇന്ത്യയിലെ ആദ്യ ടെലികോം സ്റ്റാർട്ട് വില്ലേജ് സ്ഥിതിചെയ്യുന്നത്...? 

- കളമശ്ശേരി

37. ആദ്യ മാതൃക മത്സ്യ ബന്ധന ഗ്രാമം...?

- കുമ്പളങ്ങി

38. കേരളത്തിലെ ആദ്യ ടൂറിസ്റ്റ് ഗ്രാമം...? 

- കുമ്പളങ്ങി

കൊച്ചി രാജവംശം

39. കൊച്ചി ഭരിച്ചിരുന്ന പ്രശസ്തനായ രാജാവ്...? 

- ശക്തൻ തമ്പുരാൻ

40. കൊച്ചിയിലെ മാർത്താണ്ഡവർമ്മ എന്നറിയപ്പെടുന്നത്...? 

- ശക്തൻ തമ്പുരാൻ

41. പെരുമ്പാടപ്പ് സ്വരൂപം എന്നറിയപ്പെടുന്ന രാജവംശം...? 

- കൊച്ചി രാജവംശം

42. കൊച്ചി രാജവംശത്തിലെ തലസ്ഥാനം...? 

- തൃപ്പൂണിത്തറ

43. കൊച്ചി രാജാക്കന്മാരുടെ കിരീടധാരണം നടന്നിരുന്ന സ്ഥലം...? 

- ചിത്രകൂടം

44. കൊച്ചി ചരിത്രത്തിലെ ആദ്യ വനിതാ ഭരണാധികാരി...? 

- റാണി ഗംഗാധര ലക്ഷ്മി

45. കൊച്ചിയിലെ ആദ്യ ദിവാൻ...? 

- കേണൽ മൺറോ

46. കൊച്ചിയിലെ അവസാന ദിവാൻ...? 

- സി പി കരുണാകരൻ മേനോൻ

47. കൊച്ചിരാജ്യത്തെ അടിമത്തം നിർത്തലാക്കിയ ദിവാൻ,.,? 

- ശങ്കരവാര്യർ

48. കേരളത്തിൽ ഏറ്റവും കൂടുതൽ കൈതച്ചക്ക ഉത്പാദിപ്പിക്കുന്ന ജില്ല...? 

- എറണാകുളം

49. കേരളത്തിലെ ഏക മേജർ തുറമുഖം...? 

- കൊച്ചി തുറമുഖം

50. കൊച്ചി മേജർ തുറമുഖമായ വർഷം...? 

- 1936.

51. കൊച്ചി തുറമുഖത്തിന് പ്രവർത്തനത്തിന് മേൽനോട്ടം വഹിക്കുന്നത്...? 

- കൊച്ചിൻ പോർട്ട് ട്രസ്റ്റ്

52. കൊച്ചിൻ പോർട്ട് ട്രസ്റ്റ് നിലവിൽ വന്നവർഷം...? 

- 1964

53. കൊച്ചി തുറമുഖം രൂപപ്പെടാൻ കാരണമായ പെരിയാറിലെ വെള്ളപ്പൊക്കം ഉണ്ടായ വർഷം...? 

- 1341

54. കൊച്ചി തുറമുഖത്തിന് ആഴം കൂട്ടാനായി കുഴിച്ചെടുത്ത മണ്ണ് നിക്ഷേപിച്ച ഉണ്ടായ ദ്വീപ്...? 

- വില്ലിംഗ്ടൺ

55. കേരളത്തിലെ ഏക മനുഷ്യനിർമ്മിത ദ്വീപ്..? 

- വില്ലിങ്ടൺ ദ്വീപ്

56. കൊച്ചി എണ്ണ ശുദ്ധീകരണ ശാല സ്ഥിതി ചെയ്യുന്ന സ്ഥലം...? 

- അമ്പലമുകൾ

57. ഇന്ത്യയിലെ ആദ്യ E - തുറമുഖം നിലവിൽ വന്ന സ്ഥലം...? 

- കൊച്ചി

58. സൈനിക ആവശ്യത്തിനുള്ള വിമാനത്താവളം...? 

- വില്ലിങ്ടൺ

59. കേരളത്തിലെ ആദ്യ ഡീസല് വൈദ്യുത നിലയം...? 

- ബ്രഹ്മപുരം

60. കേരളത്തിലെ ആദ്യ ടൂറിസം പോലീസ് സ്റ്റേഷൻ സ്ഥിതിചെയ്യുന്നത്...? 

- ഫോർട്ട് കൊച്ചി

61. ഗോശ്രീ എന്ന് പ്രാചീനകാലത്ത് അറിയപ്പെട്ടിരുന്ന പ്രദേശം...? 

- കൊച്ചി

62. കൊച്ചി തുറമുഖ വികസനവുമായി ബന്ധപ്പെട്ട് പ്രവർത്തിച്ച രാജ്യം...? 

- ജപ്പാൻ

63. കൊച്ചി എണ്ണ ശുദ്ധീകരണശാല യുമായി ബന്ധപ്പെട്ട് പ്രവർത്തിച്ച രാജ്യം...? 

- അമേരിക്ക

64. കൊച്ചിയെ അറബിക്കടലിലെ റാണി എന്ന് വിശേഷിപ്പിച്ചത്...? 

- കൊച്ചി ദിവാനായിരുന്ന ആർ കെ ഷണ്മുഖം ചെട്ടി

65. ഇന്ത്യയിലെ ആദ്യ അന്താരാഷ്ട്ര ട്രാൻഷിപ്മെന്റ് കണ്ടെയ്നർ ടെർമിനൽ സ്ഥാപിതമായത്...? 

- കൊച്ചി വല്ലാർപാടം കണ്ടെയ്നർ ടെർമിനൽ

66. വല്ലാർപാടം കണ്ടെയ്നർ ടെർമിനൽ ഉദ്ഘാടനം ചെയ്തത്..? 

- ഡോക്ടർ. മൻമോഹൻ സിംഗ്  - 2011

67. പൂർണമായും സൗരോർജത്തിൽ പ്രവർത്തിക്കുന്ന ലോകത്തിലെ ആദ്യ വിമാനത്താവളം....? 

- കൊച്ചി അന്താരാഷ്ട്ര വിമാനത്താവളം

68. വല്ലാർപാടം കണ്ടെയ്നർ ടെർമിനലിലെ പ്രവർത്തന ചുമതല വഹിക്കുന്നത്...? 

- ദുബായ് പോർട്ട് വേൾഡ് (ഡിപി വേൾഡ്)

69. രാജ്യത്തെ നീളം കൂടിയ റെയിൽവേ പാലം...? 

- ഇടപ്പള്ളി to വല്ലാർപാടം 4.62 കിലോമീറ്റർ

70. ഇന്ത്യയിൽ പോർച്ചുഗീസുകാർ നിർമ്മിച്ച ആദ്യ പള്ളി...? 

- സെന്റ് ഫ്രാൻസിസ് പള്ളി

71. ഇന്ത്യയിലെ ആദ്യ യൂറോപ്യൻ കോട്ട...? 

- മാനുവൽ കോട്ട 1503

72. യൂറോപ്യൻമാർ ഇന്ത്യയിൽ പണികഴിപ്പിച്ച ആദ്യത്തെ കൊട്ടാരം...? 

- മട്ടാഞ്ചേരി കൊട്ടാരം

73. ബോൾഗാട്ടി പാലസ് പണികഴിപ്പിച്ചതാര്...? 

- ഡച്ചുകാർ

74. കോമൺവെൽത്ത് രാജ്യങ്ങളിലെ ഏറ്റവും പഴയ സിനഗോഗ് അഥവാ ജൂതപ്പള്ളി സ്ഥിതിചെയ്യുന്നത്...? 

- മട്ടാഞ്ചേരി

75. മട്ടാഞ്ചേരിയിലെ ജൂത പള്ളി സ്ഥാപിച്ചത്...? 

- ജോസഫ് അസർ

76. മട്ടാഞ്ചേരി ജൂതപ്പള്ളി സ്ഥാപിതമായത്...? 

- 1568 (പി എസ് സി സൂചിക പ്രകാരം) എന്നാൽ ഔദ്യോഗിക രേഖകളിൽ 1567 എന്നും കാണപ്പെടുന്നു.

77. പരദേശി സിനഗോഗ് എന്നറിയപ്പെടുന്നത്..? 

- മട്ടാഞ്ചേരി ജൂതപ്പള്ളി

78. ചരിത്രപ്രസിദ്ധമായ ജൂതത്തെരുവ് സ്ഥിതി ചെയ്യുന്നത്...? 

- മട്ടാഞ്ചേരി

79. പെരുമ്പടപ്പ് എന്നറിയപ്പെടുന്ന പ്രദേശം...? 

- ബോൾഗാട്ടി ദ്വീപ്

80. വാസ്കോഡ ഗാമയുടെ ഭൗതികശരീരം ആദ്യം കബറടക്കിയത്...? 

- സെന്റ് ഫ്രാൻസിസ് പള്ളി - കൊച്ചി

81. ഡച്ച് കൊട്ടാരം എന്നറിയപ്പെടുന്നത്...? 

- മട്ടാഞ്ചേരി കൊട്ടാരം

82. രാജ്യാന്തര പദവി ലഭിച്ച കേരളത്തിലെ ആദ്യ തീർത്ഥാടന കേന്ദ്രം..? 

- മലയാറ്റൂർ കുരിശുമുടി( മലയാറ്റൂർ സെന്റ് തോമസ് ദേവാലയം) 

83. കേരളത്തിലെ ആദ്യ നിയമ സർവകലാശാലയുടെ ആസ്ഥാനം ( National University of Advanced legal studies [NUALS] )

- കളമശ്ശേരി

84. NUALS ന്റെ ചാൻസിലർ...? 

- ഹൈക്കോടതി ചീഫ് ജസ്റ്റിസ്

85. NUALS ന്റെ ആദ്യ ചാൻസിലർ...? 

- വൈ കെ സബർവാൾ

86. NUALS ന്റെ ആദ്യ വൈസ് ചാൻസലർ..,? 

- എസ് ജി ഭട്ട്

87. ചോറ്റാനിക്കര ദേവീക്ഷേത്രം സ്ഥിതി ചെയ്യുന്നത്..? 

- എറണാകുളം

• ഒന്നു മുതൽ പ്ലസ്‌ടു വരെ ക്ലാസ്സിലെ പാഠപുസ്തകങ്ങളും അവയുടെ Notes ഉം ആണോ നിങ്ങൾ അന്വേഷിക്കുന്നത്? അതോ Teachers Manual ഉം Techers Hand book ഉം ആണോ? എങ്കിൽ ഇവിടെ ക്ലിക്കുക.

88. ചോറ്റാനിക്കര ദേവി ക്ഷേത്രത്തിലെ പ്രസിദ്ധമായ ഉത്സവം...? 

- ചോറ്റാനിക്കര മകം

89. ജവഹർലാൽ നെഹ്റു ഇന്റർനാഷണൽ സ്റ്റേഡിയം സ്ഥിതി ചെയ്യുന്നത്...? 

- കൊച്ചി കലൂർ

90. 2017ലെ അണ്ടർ 17 ലോകകപ്പ് ഫുട്ബോളിന് വേദിയായ കേരളത്തിലെ സ്റ്റേഡിയം...? 

- ജവഹർലാൽ നെഹ്റു ഇന്റർനാഷണൽ സ്റ്റേഡിയം

91. ഫിഷറീസ് സർവ്വകലാശാലയുടെ ആദ്യ വൈസ് ചാൻസലർ...? 

- ഡോക്ടർ ബി മധുസൂദന ക്കുറുപ്പ്

92. കൊച്ചി നഗരത്തിലെ ഹൃദയഭാഗത്ത് സ്ഥിതി ചെയ്യുന്ന പക്ഷിസങ്കേതം...? 

- മംഗള വനം

93. ലഹരി വസ്തുക്കൾ കണ്ടെത്തുന്നതിനായി എറണാകുളം ജില്ലയിൽ എക്സൈസ് വകുപ്പ് നടത്തിയ പരിശോധന? 

- ഓപ്പറേഷൻ ഭായ്

94. കേരളത്തിലെ ഏറ്റവും ചെറിയ സുരക്ഷിത പ്രദേശം...? 

- മംഗള വനം

95. കൊച്ചിയുടെ ശ്വാസകോശം എന്നറിയപ്പെടുന്നത്...? 

- മംഗള വനം

96. കേരളത്തിലെ ആദ്യ പക്ഷി സങ്കേതം...? 

- തട്ടേക്കാട് എറണാകുളം

97. തട്ടേക്കാട് പക്ഷി സങ്കേതത്തിലെ പ്രത്യേകത ആദ്യമായി ചൂണ്ടിക്കാണിച്ച് വ്യക്തി...? 

- ഡോക്ടർ സലിം അലി

98. തട്ടേക്കാട് ബോട്ട് ദുരന്തം അന്വേഷിച്ച കമ്മീഷൻ...? 

- ജസ്റ്റിസ് പരീത് പിള്ള കമ്മീഷൻ

99. കേരളത്തിലെ ആദ്യ സ്വകാര്യ ഐടി പാർക്ക്....? 

- മുത്തൂറ്റ് ടെക്നോ പോളിസ് കൊച്ചി.

100. ഇൻഫോ പാർക്ക്‌ സ്ഥിതിചെയ്യുന്നത്..? 

- കാക്കനാട്

101. കേരളത്തിലെ ആദ്യ ഹൃദയം മാറ്റിവെയ്ക്കൽ ശസ്ത്രക്രിയ വേദിയായ ആശുപത്രി..? 

- മെഡിക്കൽ ട്രസ്റ്റ് ഹോസ്പിറ്റൽ 2003 മെയ് 13

102. കേരളത്തിലെ ആദ്യ കരൾമാറ്റ ശസ്ത്രക്രിയ വിജയകരമായി പൂർത്തിയാക്കിയ ഹോസ്പിറ്റൽ..? 

- അമൃത ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസ്

103. ശിവരാത്രി മഹോത്സവത്തിന് പ്രശസ്തമായ എറണാകുളം ജില്ലയിലെ സ്ഥലം...?

- ആലുവ

104. പെരിയാർ രണ്ടായി പിരിഞ്ഞു മാർത്താണ്ഡൻ പുഴയും മംഗലപ്പുഴയും ആകുന്ന പ്രദേശം...? 

- ആലുവ

105. ആലുവയിൽ അദ്വൈത ആശ്രമം സ്ഥാപിച്ച് സാമൂഹിക പരിഷ്കർത്താവ്...? 

- ശ്രീനാരായണഗുരു

106. അദ്വൈത ദർശനത്തിന് ആചാര്യനായ ശ്രീ ശങ്കരാചാര്യരുടെ ജന്മംകൊണ്ട് പരിപാവനമായ സ്ഥലം..? 

- കാലടി

107. ശ്രീ ശങ്കരാചാര്യ സംസ്കൃത സർവ്വകലാശാലയുടെ ആസ്ഥാനം...? 

- പെരിയാർ

108. ഇന്ത്യയിലെ ആദ്യ ഫ്ലോട്ടിങ് എടിഎം സ്ഥാപിതമായത്..? 

- കൊച്ചി 2004 (കൊച്ചിക്കും വൈപ്പിൻ ഇടയിൽ സർവീസ് നടത്തുന്ന ജങ്കാർ ബോട്ടിലാണ് എടിഎം സ്ഥാപിച്ചത്) 

109. ഫ്ലോട്ടിങ് എടിഎം സ്ഥാപിച്ച ബാങ്ക്...? 

- സ്റ്റേറ്റ് ബാങ്ക് ഓഫ് ഇന്ത്യ

110. എടിഎം കൗണ്ടറിലൂടെ പാൽ ലഭ്യമാക്കുന്ന മിൽമയുടെ സംരംഭം ആരംഭിച്ച സ്ഥലം...? 

- കൊച്ചി

111. കേരളത്തിലെ ആദ്യ ഐപിഎൽ ടീം...? 

- കൊച്ചിൻ ടസ്കേഴ്സ് കേരള

112. കേരളത്തിലെ ആദ്യ പ്രൊഫഷണൽ ഫുട്ബോൾ ടീം...? 

- എഫ് സി കൊച്ചിൻ

113. കേരളത്തിലെ ഏക കയറ്റുമതി സംസ്കരണ മേഖല...? 

- കൊച്ചി

114. കേരളത്തിൽ പൊതു സ്വകാര്യ പങ്കാളിത്തത്തോടെ നിർമിച്ച ആദ്യ വിമാനത്താവളം...? 

- നെടുമ്പാശ്ശേരി വിമാനത്താവളം

115. ആന പരിശീലന കേന്ദ്രം സ്ഥിതി ചെയ്യുന്നത്...? 

- കോടനാട്

116. ചങ്ങമ്പുഴ സ്മാരകം സ്ഥിതി ചെയ്യുന്നത്...? 

- ഇടപ്പള്ളി

117. കേരളത്തിൽ ഏറ്റവും കൂടുതൽ മഴ ലഭിക്കുന്ന സ്ഥലം...? 

- നേര്യമംഗലം

118. ഐഎൻഎസ് ഗരുഡ, ഐ എൻ എസ് വെണ്ടുരുത്തി, ഐഎൻഎസ് ദ്രോണാചാര്യ ഇവയെല്ലാം സ്ഥിതിചെയ്യുന്നത്...? 

- കൊച്ചി

119. കൊച്ചി സ്റ്റേറ്റ് മാനുവൽ രചിച്ചത്...? 

- സി അച്യുതമേനോൻ

120. ദക്ഷിണ മേഖല  നേവൽ കമാൻഡ് ആസ്ഥാനം....? 

- കൊച്ചി

👉കേരളത്തിലെ മറ്റു ജില്ലകൾ പഠിക്കാം - ഇവിടെ ക്ലിക്കുക
👉ഈ ബ്ലോഗിലെ മുഴുവന്‍ പോസ്റ്റുകളും ഒരുമിച്ച് കാണുക

ഒരു അഭിപ്രായം പോസ്റ്റ് ചെയ്യൂ