ഭൂമിശാസ്‌ത്രം: ഇന്ത്യയിലെ ധാതുക്കൾ പി.എസ്.സി. ചോദ്യോത്തരങ്ങൾ (01)
PSC 10th,+2, Degree Level Exam Questions and Answers | LDC / LGS / VEO etc. | PSC SSLC Social Science Syllabus-based Questions and Answers
രണ്ടാമത്തെ അദ്ധ്യായം പരിശീലന ചോദ്യോത്തരങ്ങളാണ് അത് തീർച്ചയായും കാണുക.
* ഇന്ത്യയിലെ ഏറ്റവും ധാതുസമ്പന്നമായ ഭാഗം ഉത്തര മഹാസമതലമാണ്‌.
* ഇന്ത്യയുടെ ധാതുസംസ്ഥാനം എന്നറിയപ്പെടുന്നത്‌ ജാര്ഖണ്ഡ് ആണ്‌.
* ഇന്ത്യയിലെ ധാതുസമ്പന്നമായ പീഠഭൂമിയാണ്‌ ഛോട്ടാനാഗ്പൂര്‍. ഉദ്ദേശം 65000 ചതുര്രശകിലോമീറ്റര്‍ വിസ്തീര്‍ണമുളള ഈ പീഠഭൂമി പ്രധാനമായും ജാര്ഖണ്ഡിലാണ്. ബംഗാള്‍, ഒഡിഷ, ഛത്തിസ്ഗഡ്‌ എന്നീ സംസ്ഥാനങ്ങളിലും
കുറച്ചുഭാഗംവീതം ഉള്‍പ്പെടുന്നു.
* പരശ്‌നാഥ്‌ മലകളാണ്‌ (1350മീ.)ഛോട്ടാനാഗ്പുരിലെ ഏറ്റവും ഉയര്‍ന്നഭാഗം. റാഞ്ചി, ബൊക്കാറോ, ധന്‍ബാദ്‌, ജംഷഡ്പൂര്‍ എന്നീ നഗരങ്ങള്‍ ഈ പീഠഭൂമിയിലാണ്‌. ദാമോദര്‍, സുബര്‍ണരേഖ, ബരാകര്‍ എന്നിവയാണ്‌ പ്രധാന നദികള്‍.
* ജര്‍മനിയിലെ റര്‍ താഴ്‌വര (Ruhr Valley) യെപ്പോലെ ധാതുസമ്പന്നമായതിനാല്‍ ദാമോദര്‍ താഴ്‌വരയെ ഇന്ത്യയുടെ റർ താഴ്‌വര എന്നു വിളിക്കുന്നു. ബംഗാള്‍, ജാര്ഖണ്ഡ് എന്നീ സംസ്ഥാനങ്ങളിലുടെയാണ്‌ ദാമോദര്‍ ഒഴുകുന്നത്‌.
അലുമിനിയം
* അലുമിനിയത്തിന്റെ അയിരാണ്‌ ബോക്സൈറ്റ്. ഇന്ത്യയില്‍ ബിഹാര്‍, ഗോവ, ഗുജറാത്ത്‌, ജമ്മു-കശ്മീര്‍, കര്‍ണാടകം, മധ്യവപദേശ്‌, മഹാരാഷ്ട്ര, ഒഡിഷ, തമിഴ്നാട് എന്നീ സംസ്ഥാനങ്ങളില്‍ ബോക്സൈറ്റ് നിക്ഷേപങ്ങളുണ്ട്‌.
* ജാര്‍ഖണ്‍ഡില്‍ ബോക്സൈറ്റ് നിക്ഷേപമുള്ള സ്ഥലമാണ്‌ ലോഹാര്‍ഡഗ.
* ഛത്തിസ്ഗഢിലെ അമര്‍കാണ്ടക്‌ പീഠഭൂമിയിൽ ബോക്സൈറ്റ് നിക്ഷേപമുണ്ട്‌.
* ബോക്സൈറ്റിന്റെ സാന്നിധ്യമുള്ള കട്നി-ജബല്‍പ്പൂര്‍, ബലാഘട്ട്‌ മേഖലകള്‍ മധ്യപ്രദേശിലാണ്‌.
* മഹാരാഷ്ട്രയില്‍ കൊളാബ, താനെ, രത്നഗിരി, സത്താറ, പൂനെ, കോല്‍ഹാപ്പൂര്‍ എന്നിവിടങ്ങളില്‍ ബോക്സൈറ്റ് നിക്ഷേപമുണ്ട്‌.
* 1981-ല്‍ സ്ഥാപിതമായ നാഷണല്‍ അലുമിനിയം കമ്പനിലിമിറ്റഡിന്റെ ആസ്ഥാനം ഭുവനേശ്വര്‍ ആണ്‌.
ബേരൈറ്റ്സ്
* ബേരിയം ലോഹമാണ്‌ ബേരൈറ്റില്‍നിന്ന്‌ ലഭിക്കുന്നത്‌. ആന്ധ്ര പ്രദേശിലെ കഡപ്പ ജില്ലയിലെ മംഗംപെട്ടില്‍നിന്നാണ്‌ ബേരൈറ്റ്സ് പ്രധാനമായും ലഭിക്കുന്നത്‌.
ക്രോമൈറ്റ്‌
* ക്രോമൈറ്റ്‌ ഉല്‍പാദനത്തിന്റെ 96 ശതമാനവും ഒഡിഷയിലെ കട്ടക്‌ ജില്ലയില്‍ നിന്നാണ്‌.
* മറ്റു ചില സംസ്ഥാനങ്ങളിലും ചെറിയ തോതില്‍ ഇതിന്റെ സാന്നിധ്യമുണ്ട്‌.
കല്‍ക്കരി
* കല്‍ക്കരി ഉല്‍പാദനത്തില്‍ മുന്‍നിരയിലുള്ള സംസ്ഥാനങ്ങള്‍ ജാര്ഖണ്ഡ്, ബംഗാള്‍ എന്നിവയാണ്‌.
* ബംഗാളിലെ റാണിഗഞ്ച്‌ ആണ്‌ ഇന്ത്യയിലെ ആദ്യത്തെ കല്‍ക്കരി ഖനി.
* ജരിയ, ഗിരിധ്‌, ബൊക്കാറോ, കരണ്‍പുര എന്നിവ പ്രധാന ഖനന മേഖലകളാണ്‌.
* ഒഡിഷയിലെ താല്‍ച്ചര്‍, ആന്ധ്രാപ്രദേശിലെ സിംഗറേണി, മധ്യപ്രദേശിലെ പെഞ്ച്‌ താഴ്‌വര മുതലായവ സ്ഥലങ്ങളിലും കല്‍ക്കരി നിക്ഷേപങ്ങളുണ്ട്‌.
* ഇന്ത്യയില്‍ കല്‍ക്കരി ഖനികള്‍ ദേശസാത്കരിച്ചത്‌ 1973-ല്‍ ആണ്‌.
* ഇന്ത്യയുടെ കല്‍ക്കരി തലസ്ഥാനം എന്നറിയപ്പെടുന്ന നഗരമാണ്‌ ധന്‍ബാദ്‌.
* ഇന്ത്യയില്‍മാത്രമല്ല, ലോകത്തുതന്നെ ഏറ്റവും കൂടുതല്‍ കല്‍ക്കരി ഉല്‍പാദിപ്പിക്കുന്ന കമ്പനിയാണ്‌ 1975-ല്‍ സ്ഥാപിതമായ കോള്‍ ഇന്ത്യ ലിമിറ്റഡ്‌. ആസ്ഥാനം കൊല്‍ക്കത്ത.
* കല്‍ക്കരിയുടെ വകഭേദമായ ലിഗ്നൈറ്റ് പ്രധാനമായും ലഭിക്കുന്നത്‌ തമിഴ്നാട്, രാജസ്ഥാന്‍, ഗുജറാത്ത്‌ എന്നി സംസ്ഥാനങ്ങളില്‍നിന്നാണ്‌.
* നെയ്‌വേലി ലിഗ്നൈറ്റ് കോര്‍പ്പറേഷനും (തമിഴ്നാട്) ഗുജറാത്ത്‌ മിനറല്‍ ഡെവലപ്മെന്റ്‌ കോര്‍പ്പറേഷന്‍ ലിമിറ്റഡുമാണ്‌ ഇന്ത്യയില്‍ ലിഗ്നൈറ്റ് ഉല്‍പാദനത്തില്‍ ഏര്‍പ്പെട്ടിരിക്കുന്ന പ്രധാന സ്ഥാപനങ്ങള്‍.
* ഇന്ത്യയില്‍ ഉല്‍പാദിപ്പിക്കുന്ന ലിഗ്നൈറ്റിന്റെ സിംഹഭാഗവും ഉപയോഗിക്കുന്നത്‌ വൈദ്യൂതി മേഖലയിലാണ്‌.
* തവിട്ട്‌ കല്‍ക്കരി (ബ്രൗൺ കോള്‍) എന്നറിയപ്പെടുന്നത്‌ ലിഗ്നൈറ്റ് ആണ്‌.
* കാര്‍ബണിന്റെ അളവ് ഏറ്റവും കൂടിയ കൽക്കരിയുടെ വകഭേദമാണ്‌ ആന്ത്രസൈറ്റ്‌. ഇന്ത്യയില്‍ ജമ്മു-കശ്മീരില്‍ ഇത്‌ കാണപ്പെടുന്നു.
* കൽക്കരിയുടെ മറ്റൊരു വകഭേദമായ ബിറ്റുമിനസ്‌ കോള്‍ കാണപ്പെടുന്ന സംസ്ഥാനങ്ങളാണ്‌ ജാര്ഖണ്ഡ്, ഒഡിഷ, പശ്ചിമ ബംഗാള്‍, ഛത്തിസ്ഗഡ്‌, മധ്യപ്രദേശ്‌ എന്നിവ.
ചെമ്പ്‌
* ജാര്‍ഖണ്ഡിലെ സിങ്ഭും ജില്ല, മധ്യപ്രദേശിലെ ബലാഘട്ട്‌ ജില്ല, രാജസ്ഥാനിലെ ആള്‍വാര്‍, ജൂന്‍ജുനു ജില്ലകള്‍ എന്നിവിടങ്ങളില്‍ ചെമ്പ്‌ നിക്ഷേപമുണ്ട്‌.
* രാജസ്ഥാനിലെ പ്രശസ്തമായ ചെമ്പു ഖനിയാണ്‌ ഖ്രേതി.
വജ്രം
* ഇന്ത്യയിലെ പ്രധാന വജ്രഖനിയാണ്‌ മധ്യപ്രദേശിലെ പന്ന. കര്‍ണാടകത്തിലെ റെയ്ചൂര്‍-ഗുല്‍ബര്‍ഗ ജില്ലകളിലും വജ്രനിക്ഷേപങ്ങള്‍ കണ്ടെത്തിയിട്ടുണ്ട്‌.
* ഇന്ത്യന്‍ ഡയമണ്ട്‌ ഇൻസ്റ്റിറ്റ്യുട്ട് സൂറത്തിലാണ്‌.
ഡോളോമൈറ്റ്‌
* കാല്‍സ്യം മഗ്നീഷ്യം കാര്‍ബണേറ്റിന്റെ പ്രധാന സ്രോതസ്സ്‌ ആണ്‌ ഡോളോമൈറ്റ്‌.
* മഗ്നീഷ്യവും അതിന്റെ സംയുക്തങ്ങളും ഡോളോമൈറ്റില്‍ നിന്ന്‌ ലഭിക്കുന്നു.
* ഒഡിഷ, മധ്യ്രദേശ്‌, ഗുജറാത്ത്‌, ഛത്തിസ്ഗഡ്‌, ആന്ധ്രപ്രദേശ്‌, മഹാരാഷ്ട്ര എന്നിവിടങ്ങളില്‍ ഡോളോമൈറ്റ്‌ കാണപ്പെടുന്നു.
സ്വര്‍ണം
* ഉല്‍പാദനക്കുറവ്‌ കാരണം 2001-ല്‍ പ്രവര്‍ത്തനം നിലച്ച കോളാർ സ്വര്‍ണ ഖനി കര്‍ണാടക സംസ്ഥാനത്തിലാണ്‌. ബ്രിട്ടിഷ്‌ ഭരണകാലത്ത്‌ ലിറ്റില്‍ ഇംഗ്ലണ്ട്‌
എന്നറിയപ്പെട്ടിരുന്നത്‌ കോളാർ ആണ്‌.
* 1880-ല്‍ ആണ്‌ കോളാര്‍ ഖനിയില്‍ ശാസ്ത്രീയമായ ഖനനം ജോണ്‍ ടെയ്ലര്‍ ആന്‍ഡ്‌ സണ്‍സ്‌ എന്ന സ്ഥാപനം ആരംഭിച്ചത്‌.
* കോളാർ ഖനിയിലേക്ക്‌ വൈദ്യുതി നല്‍കുന്നതിനാണ്‌ ഇന്ത്യയിലെ മൂന്നാമത്തെയും ദക്ഷിണേന്ത്യയിലെ ആദ്യത്തെയുമായവൈദ്യുത പദ്ധതി 1902-ല്‍ സ്ഥാപിച്ചത്‌.
* ഡാര്‍ജിലിങ്‌ (1897), കൊല്‍ക്കത്ത (1898) എന്നിവയ്ക്ക്‌ ശേഷം,
വൈദ്യുതീകരിക്കപ്പെട്ട മുന്നാമത്തെ ഇന്ത്യന്‍ പട്ടണമാണ്‌ കോളാർ.
* 1956-ല്‍ മൈസൂര്‍ ഗവണ്‍മെന്റും 1962-ല്‍ ഇന്ത്യാ ഗവണ്‍മെന്റും കോളാര്‍ ഖനി ഏറ്റെടുത്തു.
* ഹട്ടി സ്വര്‍ണ ഖനി കര്‍ണാടകത്തിലെ റെയ്ചൂര്‍ ജില്ലയിലാണ്‌.
* ഹൈദരാബാദ്‌ സര്‍ക്കാരാണ്‌ 1947-ല്‍ ഹട്ടി ഗോള്‍ഡ്‌ മൈന്‍സ്‌ ലിമിറ്റഡ്‌ കമ്പനി ആരംഭിച്ചത്‌, സംസ്ഥാന പുന;സംഘടനയോടെ ഖനി മൈസുറിലായി.
* രാമഗിരി സ്വര്‍ണഖനി ആന്ധ്രാപ്രദേശിലാണ്‌.
* സ്വര്‍ണം ഉല്‍പാദനത്തില്‍ ഇന്ത്യയില്‍ ഒന്നാം സ്ഥാനമുള്ള സംസ്ഥാനം കര്‍ണാടകമാണ്‌.
* 2001-ല്‍ മുംബൈയില്‍ സ്ഥാപിതമായ ഷിര്‍പൂര്‍ ഗോള്‍ഡ്‌ റിഫൈനറിയാണ്‌ ഇന്ത്യയിലെ ആദ്യത്തെ ഗോള്‍ഡ്‌ റിഫൈനറി, ഏഷ്യയിലെ ഏറ്റവും വലിയ
ഗോള്‍ഡ്‌ റിഫൈനറിയാണിത്‌.
ഗ്രാഫൈറ്റ്‌
* ഒഡിഷയാണ്‌ ഗ്രാഫൈറ്റ്‌ ഏറ്റവും കൂടുതല്‍ ഉല്‍പാദിപ്പിക്കുന്നത്‌.
* ജാര്ഖണ്ഡ്, ഗുജറാത്ത്‌, കര്‍ണാടക, കേരളം, മധ്യപ്രദേശ്‌, മഹാരാഷ്ട്ര, രാജസ്ഥാന്‍, തമിഴ്നാട് എന്നീ സംസ്ഥാനങ്ങളിലും ഗ്രാഫൈറ്റിന്റെ സാന്നിധ്യമുണ്ട്‌.
ജിപ്സം
* ജിപ്സത്തിന്റെ ഉല്‍പാദനത്തില്‍ ഏറ്റവും മുന്നില്‍ രാജസ്ഥാനാണ്‌. അടുത്ത സ്ഥാനം ജമ്മു-കശ്മീരിനാണ്‌.
* തമിഴ്നാട്, ഗുജറാത്ത്‌ എന്നിവിടങ്ങളിലും ജിപ്സം ഉണ്ട്‌.
* സിമന്റ്‌ നിര്‍മാണത്തിനുപയോഗിക്കുന്ന ഘടകങ്ങളിലൊന്നാണ്‌ ജിപ്സം.
ഇരുമ്പ്
* ലോകത്ത്‌ ഏറ്റവും കൂടുതല്‍ ഇരുമ്പ് നിക്ഷേപങ്ങളുള്ള രാജ്യങ്ങളിലൊന്നാണ്‌ ഇന്ത്യ.
* ഹേമറ്റൈറ്റും മാഗ്നറ്റൈറ്റുമാണ്‌ പ്രധാന ഇരുമ്പയിരുകള്‍.
* ഹേമറ്റൈറ്റ്‌ ഏറ്റവും കൂടുതലുള്ളത്‌ ജാര്‍ഖണ്ഡിലും ഹേമറ്റ്റൈറ്റ്‌ ഏറ്റവും കൂടുതലുള്ളത്‌ കര്‍ണാടകത്തിലും ആണ്‌.
* ഒഡിഷ, ജാര്ഖണ്ഡ്, ഛത്തിസ്ഗഡ്‌, കര്‍ണാടകം, ഗോവ, മഹാരാഷ്ട്ര, ആന്ധ്രാപ്രദേശ്, രാജസ്ഥാന്‍ എന്നിവിടങ്ങളില്‍ ഹേമറ്റൈറ്റ്‌ കാണപ്പെടുന്നു.
* കാന്തികഗുണം ഉള്ളതുകാരണമാണ്‌ മാഗ്നറ്റൈറ്റ്‌ എന്നറിയപ്പെടുന്നത്‌.
* കര്‍ണാടകം, ആന്ധ്രാപ്രദേശ്, ഗോവ, കേരളം, തമിഴ്നാട്, ജാര്ഖണ്ഡ്, രാജസ്ഥാന്‍, തമിഴ്നാട് എന്നീ സംസ്ഥാനങ്ങളില്‍ ഇത്‌ കാണപ്പെടുന്നു.
* ഇരുമ്പിന്റെ മറ്റ്‌ അയിരുകളാണ്‌ ലിമോണൈറ്റ്‌, സിഡെറൈറ്റ്‌ എന്നിവ.
* ഇന്ത്യയില്‍ ആദ്യമായി 1904-ല്‍ ഇരുമ്പ് ഖനനം ആരംഭിച്ചത്‌ സിങ്‌ഭുമിലാണ്‌.
* സിങ്ഭും ഖനി ജാര്ഖണ്ഡിലാണ്. ഇന്ത്യയില്‍ ഏറ്റവും കൂടുതല്‍ ഇരുമ്പ് നിക്ഷേപമുള്ളത്‌ ജാര്ഖണ്ഡിലാണ്.
* തമിഴ്നാട്ടിലെ സേലം, തെലങ്കാനയിലെ കരിംനഗര്‍, വാറങ്ങല്‍, ആന്ധ്രപ്രദേശിലെ കുര്‍ണുല്‍, കഡപ്പ, അനന്ത്പൂര്‍ എന്നിവിടങ്ങളില്‍നിന്ന്‌ ഇരുമ്പ് ലഭിക്കുന്നുണ്ട്‌.
* ഇരുമ്പുല്‍പാദനത്തില്‍ ശ്രദ്ധേയമായ പുരോഗതി കൈവരിച്ച തെന്നിന്ത്യന്‍ സംസ്ഥാനമാണ്‌ കര്‍ണാടകം. ചിക്മഗലൂരിലെ ബാബാബുധന്‍ കുന്നുകളിലെ കെമ്മംഗുണ്ടി ഇരുമ്പുനിക്ഷേപത്താല്‍ സമ്പന്നമാണ്.
* ഏഷ്യയിലെ ഏറ്റവും വലിയ മെക്കാനൈസ്ഡ്‌ ഖനി ആണ്‌ ഛത്തിസ്ഗഡിലെ ബൈലാഡില. ഇവിടെ നിന്നുള്ള ഇരുമ്പ് വിശാഖപട്ടണം വഴി ജപ്പാനിലേക്ക്‌ കയറ്റുമതി ചെയ്യുന്നു.
* ഡാല്‍ട്ടണ്‍ഗഞ്ചി ഖനി ജാര്‍ഖണ്ഡിലെ പലമാവു ജില്ലയിലാണ്‌.
* ബംഗാളിലെ കുള്‍ട്ടിയിലാണ്‌ ഇന്ത്യയിലെ ആദ്യത്തെ സ്റ്റീല്‍ പ്ലാന്റ്‌ സ്ഥാപിച്ചത്‌ (1870). എന്നാല്‍, വന്‍തോതില്‍ ഉല്‍പാദനം നടത്തുന്ന ആദ്യത്തെ സ്റ്റീല്‍ പ്ലാന്റ്‌ സ്ഥാപിച്ചത്‌ ജംഷഡ്‌പൂരിലാണ്‌ (1907).
* 1954 -ല്‍ സ്ഥാപിതമായ സ്റ്റീല്‍ ഇന്ത്യ ലിമിറ്റഡിന്റെ ആസ്ഥാനം ന്യൂഡല്‍ഹിയാണ്‌.
* ഭിലായ്‌, റൂർക്കേല, ദുര്‍ഗാപ്പൂര്‍, ബൊക്കാറോ, ബേണ്‍പൂര്‍ (അസന്‍സോള്‍) എന്നിവിടങ്ങളിലാണ്‌ സെയിലിന്റെ ഇന്റഗ്രേറ്റഡ്‌ സ്റ്റീല്‍ പ്ലാന്റുകള്‍.
* സേലം, ദൂര്‍ഗാപ്പൂര്‍, ഭദ്രാവതി എന്നിവിടങ്ങളില്‍ സ്പെഷ്യല്‍ സ്റ്റീല്‍ പ്ലാന്റുകളുണ്ട്‌.
* ഇന്ത്യയില്‍ പൊതുമേഖലയില്‍ സ്ഥാപിതമായ ആദ്യ വന്‍കിട ഉരുക്കുനിര്‍മാണ ശാലയാണ്‌ റൂർക്കേല (1955).
* റൂർക്കേല പ്ലാന്റിന്റെ നിര്‍മാണത്തിന്‌ പശ്ചിമ ജര്‍മനിയാണ്‌ സഹായം നല്‍കിയത്‌.
* ഛത്തിസ്ഗഢിലെ ഭിലായ്‌ സ്റ്റീല്‍ പ്ലാന്റിലേക്കാവശ്യമായ ഇരുമ്പ് നല്‍കുന്നത്‌ ദള്ളി- രാജ്ഹാര അയണ്‍ ഓര്‍ കോംപ്ലക്സില്‍നിന്നാണ്‌.
* ഇന്ത്യയിലെ ഏറ്റവും ലാഭകരമായ പൊതുമേഖലാ സ്റ്റീല്‍ പ്ലാന്റാണ്‌ ഭിലായ്‌.
* ജാര്‍ഖണ്ഡിലെ ബൊക്കാറോ സ്റ്റീല്‍ പ്ലാന്റ്‌ നിര്‍മിച്ചിരിക്കുന്നത്‌ സോവിയറ്റ്‌ സഹായത്തോടെയാണ്‌.
* ദുര്‍ഗാപ്പൂര്‍ സ്റ്റീല്‍ പ്ലാന്റിന്റെ നിര്‍മാണത്തിന്‌ ബ്രിട്ടണ്‍ സഹായം നല്‍കി.
* ഇന്ത്യയുടെ സ്റ്റീല്‍ സിറ്റി എന്നറിയപ്പെടുന്നത്‌ ജംഷഡ്പൂര്‍.
* നാഷണല്‍ മെറ്റലര്‍ജിക്കല്‍ ലബോറട്ടറി ജംഷഡ്പുരിലാണ്‌.
* കേരളത്തില്‍ ഇരുമ്പ് നിക്ഷേപം കൂടുതലുള്ളത്‌ കോഴിക്കോട് ജില്ലയിലാണ്‌.
ഈയം (ലെഡ്)
* ഈയത്തിന്റെ അയിരാണ്‌ ഗലീന.
* ഈയത്തിന്റെ അയിരാണ്‌ ഗലീന.
* തമിഴ്നാട്, രാജസ്ഥാന്‍, ആന്ധ്രാപ്രദേശ്, ഉത്തര്‍ പ്രദേശ്‌ എന്നിവയാണ്‌ ഈയം
ഉല്‍പാദിപ്പിക്കുന്ന സംസ്ഥാനങ്ങള്‍,
* ലോഹസങ്കരങ്ങള്‍ നിര്‍മിക്കുന്നതിനും പെയിന്റ്‌, ഗ്ളാസ്‌ മുതലായവയുടെ നിര്‍മാണത്തിനും ഈയം ഉപയോഗിക്കുന്നു.
ലൈംസ്റ്റോൺ
* മധ്യപ്രദേശ്‌, ഛത്തിസ്ഗഡ്‌, ആന്ധ്രാപ്രദേശ്, ഗുജറാത്ത്‌, രാജസ്ഥാന്‍, കര്‍ണാടകം, തമിഴ്നാട്, മഹാരാഷ്ട്ര, ഹിമാചല്‍ പ്രദേശ്‌, ഒഡിഷ, ബിഹാര്‍, ഉത്തരാഞ്ചല്‍, ഉത്തര്‍പ്രദേശ്‌ എന്നീ സംസ്ഥാനങ്ങള്‍ ലൈംസ്റ്റോൺ ഉല്‍പാദിപ്പിക്കുന്നുണ്ട്‌.
* സിമന്റ്‌ നിര്‍മിക്കുന്നതിനുള്ള അസംസ്‌കൃത പദാര്‍ഥങ്ങളിലൊന്നാണ്‌
ലൈംസ്റ്റോൺ.
മാഗ്നസൈറ്റ്‌
* ഉത്തരാഞ്ചല്‍, തമിഴ്നാട്, രാജസ്ഥാന്‍ എന്നിവിടങ്ങളിലാണ്‌ പ്രധാനമായും
മാഗ്നസൈറ്റ്‌ നിക്ഷേപങ്ങളുള്ളത്‌.
ലൈംസ്റ്റോൺ.
മാഗ്നസൈറ്റ്‌
* ഉത്തരാഞ്ചല്‍, തമിഴ്നാട്, രാജസ്ഥാന്‍ എന്നിവിടങ്ങളിലാണ്‌ പ്രധാനമായും
മാഗ്നസൈറ്റ്‌ നിക്ഷേപങ്ങളുള്ളത്‌.
* ജമ്മു-കശ്മീര്‍, കര്‍ണാടകം, ഹിമാചല്‍ പ്രദേശ്‌, കേരളം എന്നിവിടങ്ങളില്‍ കുറഞ്ഞ തോതിലുള്ള സാന്നിധ്യമുണ്ട്‌.
മാംഗനീസ്‌
* മാംഗനീസിന്റെ അയിരാണ്‌ പൈറോലുസൈറ്റ്.
* ഇന്ത്യയില്‍ മാംഗനീസ്‌ ഉല്‍പാദനത്തില്‍ മുന്‍നിരയിലുള്ള സംസ്ഥാനം ഒഡിഷയാണ്‌.
* ബോണായി, കെണ്ടുജാര്‍, സുന്ദര്‍ഗഢ്, ഗംഗ്പൂര്‍, കോരാപുട്ട്‌, കാളഹന്ദി, ബോലംഗീര്‍ എന്നിവയാണ്‌ ഒഡിഷയിലെ പ്രധാന മാംഗനീസ്‌ പ്രദേശങ്ങള്‍.
* ധര്‍വാര്‍, ബെല്ലാരി, ബെലഗവി, നോര്‍ത്ത്‌ കാനറ, ഷിവ്മോഗ, ചിത്രദുർഗ്‌, തുംകൂര്‍,
ചിക്മഗലൂര്‍ എന്നിവയാണ്‌ കര്‍ണാടകത്തില്‍ മാംഗനീസ്‌ കാണപ്പെടുന്ന സ്ഥലങ്ങള്‍.
* മഹാരാഷ്ട്രയില്‍ നാഗ്പൂര്‍, രത്നഗിരി, ഭണ്ടാര എന്നീ സ്ഥലങ്ങളിലും മധ്യപ്രദേശില്‍ ബലാഘട്ട്‌, മാണ്ട് ല, ജബുവ എന്നിവിടങ്ങളിലും മാംഗനീസിന്റെ സാന്നിധ്യമുണ്ട്‌.
മൈക്ക
* ലോകത്ത്‌ ഏറ്റവും കൂടുതല്‍ മൈക്ക ഉല്‍പാദിപ്പിക്കുന്ന രാജ്യങ്ങളിലൊന്നാണ്‌
ഇന്ത്യ.
* ബിഹാറിലെ ഗയ, ജാര്‍ഖണ്ഡിലെ ഹസാരിബാഗ്‌, ആന്ധ്രാപ്രദേശിലെ
നെല്ലൂര്‍ എന്നിവിടങ്ങളില്‍ മൈക്ക ധാരാളമായി ഉണ്ട്‌.
* വൈദ്യുതി വ്യവസായത്തില്‍ മൈക്ക വന്‍തോതില്‍ ഉപയോഗിക്കപ്പെടുന്നു.
* ഇന്ത്യ വന്‍തോതില്‍ കയറ്റുമതി ചെയ്യുന്ന ധാതുവാണ്‌ മൈക്ക
* ലോകത്ത്‌ ഏറ്റവും കൂടുതല്‍ മൈക്ക ഉല്‍പാദിപ്പിക്കുകയും കയറ്റുമതി ചെയ്യുകയും ചെയ്യുന്ന രാജ്യമാണ്‌ ഇന്ത്യ.
പെട്രോളിയം
* മിനറല്‍ ഓയില്‍, ക്രൂഡ്‌ ഓയില്‍ എന്നീ പേരുകളിലും പെട്രോളിയം അറിയപ്പെടുന്നു.
* ഇന്ത്യയിലെ പെട്രോളിയം നിക്ഷേപം പരിമിതമാണ്‌. അസമിലെ ദിഗ്ബോയ്‌ ആണ്‌ ഇന്ത്യയിലെ ഏറ്റവും പഴക്കമുള്ള എണ്ണപ്പാടം.
* ഗുജറാത്തിലെ ഗള്‍ഫ്‌ ഓഫ്‌ കാംബേയ്ക്ക്‌ സമീപമുള്ള ലുണെജ്‌, അങ്കലേശ്വര്‍,
കലോള്‍ എന്നിവിടങ്ങളില്‍ എണ്ണ ഖനനമുണ്ട്‌. ഇന്ത്യയിലെ ഓഫ്‌ ഷോര്‍ എണ്ണപ്പാടമാണ്‌ മഹാരാഷ്ട്രയിലെ ബോംബെ ഹൈ.
* നഹര്‍കാത്തിയ, രുദ്രസാഗര്‍, മൊറാന്‍, ഹുഗ്രിജന്‍, ലോകോവ, ഗലേകി എന്നീ എണ്ണപ്പാടങ്ങള്‍ അപ്പര്‍ അസമിലാണ്‌.
* അസമിലെ ഓയില്‍ റിഫൈനറികള്‍ ദിഗ്ബോയ്‌, ബോംഗായിഗവോണ്‍,നുമാലി
ഗഢ് എന്നിവിടങ്ങളിലാണ്‌.
* ബറൌണി ഓയില്‍ റിഫൈനറി ബിഹാറിലാണ്‌.
* ബംഗാളില്‍ ഹാല്‍ഡിയയിലും ഹരിയാനയില്‍ പാനിപ്പട്ടിലും ഒഡിഷയില്‍ പാരദ്ധീപിലും പഞ്ചാബില്‍ ഭട്ടിന്‍ഡയിലും കേരളത്തില്‍ കൊച്ചിയിലും മധ്യപ്രദേശില്‍ ബിനയിലും ഓയില്‍ റിഫൈനറികളൂണ്ട്‌.
* ഗുജറാത്തിലാണ്‌ കോയാലി ഓയില്‍ റിഫൈനറി.
* മഥുര ഓയില്‍ റിഫൈനറി ഉത്തര്‍ പ്രദേശിലാണ്‌.
* കര്‍ണാടകത്തില്‍ മംഗലുരുവിലാണ്‌ ഓയില്‍ റിഫൈനറി.
* ചെന്നൈ, നാഗപട്ടണം എന്നിവിടങ്ങളിലാണ്‌ തമിഴ്നാട്ടിലെ ഓയില്‍ റിഫൈനറികള്‍.
* ഹിന്ദുസ്ഥാന്‍ പെട്രോളിയത്തിനും ഭാരത്‌ പെട്രോളിയത്തിനും മുംബൈയില്‍
ഓയില്‍ റിഫൈനറികളുണ്ട്‌.
ഓയില്‍ റിഫൈനറികളുണ്ട്‌.
* ഇന്ത്യയില്‍ ഏറ്റവും കൂടുതല്‍ ഓയില്‍ റിഫൈനറികള്‍ ഇന്ത്യന്‍ ഓയില്‍ കോര്‍പ്പറേഷന്റെ ഉടമസ്ഥതയിലാണ്‌.
* റിലയന്‍സിന്റെ രണ്ട് ഓയില്‍ റിഫൈനറികള്‍ ഗുജറാത്തിലെ ജാംനഗറിലാണ്‌.
* റിലയന്‍സിന്റെ ഉടമസ്ഥതയില്‍ ഗുജറാത്തിലെ ജാംനഗറിലുള്ളതാണ്‌ ഇന്ത്യയിലെ ഏറ്റവും വലിയ ഓയില്‍ റിഫൈനറി.
* എസ്സാര്‍ ഓയില്‍ ലിമിറ്റഡിന്റെ ഓയില്‍ റിഫൈനറി ഗുജറാത്തിലെ വദിനര്‍ എന്ന
സ്ഥലത്താണ്‌.
ടങ്സ്റ്റൺ
* രാജസ്ഥാനിലെ ദെഗാനയിലാണ്‌ പ്രധാനമായും ടങ്സ്റ്റണ്‍ നിക്ഷേപങ്ങളുള്ളത്‌. മഹാരാഷ്ട്ര, ഹരിയാന, ബംഗാള്‍, ആന്ധ്രാപ്രദേശ് എന്നിവിടങ്ങളിലും ടങ്സ്റ്റന്റെ സാന്നിധ്യമുണ്ട്‌.
നാകം (സിങ്ക്)
* ഇന്ത്യയില്‍ ഏറ്റവും കൂടുതല്‍ നാകം ഉല്‍പാദിപ്പിക്കുന്നത്‌ രാജസ്ഥാനാണ്‌.
* സവര്‍ ഖനി രാജസ്ഥാനിലാണ്‌.
* ബംഗാള്‍, ആന്ധ്രാപ്രദേശ്, ഗുജറാത്ത്‌, മധ്യപ്രദേശ്‌, ഉത്തര്‍ പ്രദേശ്‌, ഒഡിഷ,
മഹാരാഷ്ട്ര എന്നീ സംസ്ഥാനങ്ങളിലും സിങ്ക് ലഭ്യമാണ്‌.
* സ്ഫാലെറൈറ്റ്‌ സിങ്കിന്റെ അയിരാണ്‌. കലമിന്‍, സിങ്ക് ബ്ലെന്‍ഡ്‌ എന്നിവയും സിങ്കിന്റെ അയിരുകളാണ്‌.
👉ഈ ബ്ലോഗിലെ മുഴുവന്‍ പോസ്റ്റുകളും ഒരുമിച്ച് കാണുക >
YouTube Video Channel - Click here
PSC Solved Question Papers ---> Click here
PSC TODAY's EXAM RESULTS ---> Click here
PSC EXAM PROGRAMME -> Click here
CURRENT AFFAIRS QUESTIONS -> Click here
PSC Degree Level Questions & Answers - Click here
PSC 10th, +2 Level Questions & Answers - Click here
PSC SHORTLISTS -> Click here
PSC RANK LISTS -> Click here
* SCERT KERALA TEXTBOOKS – FREE DOWNLOAD ---> Click here
* NCERT & CBSE TEXTBOOKS – FREE DOWNLOAD ---> Click here
* SCERT TEXTBOOKS SOLUTIONS FOR ALL CLASSES ---> Click here
* NCERT & CBSE TEXTBOOKS SOLUTIONS FOR ALL CLASSES ---> Click here
){kind=link}
0 അഭിപ്രായങ്ങള്‍