ഇന്ത്യയിലെ സംരക്ഷിത പ്രദേശങ്ങൾ- ചോദ്യോത്തരങ്ങൾ (അദ്ധ്യായം ഒന്ന്)  

ഇന്ത്യയിലെ സമ്പന്നമായ വനവും വന്യജീവി സമ്പത്തും സംരക്ഷിക്കുന്നതിന് വേണ്ടി നിരവധി ദേശീയോദ്യാനങ്ങൾ നിലവിലുണ്ട്. വിവിധ സംസ്ഥാനങ്ങളിലും കേന്ദ്രഭരണപ്രദേശങ്ങളിലുമായി നിലനിൽക്കുന്ന അവയെക്കുറിച്ചുള്ള വിവരങ്ങൾ ഇവിടെ പഠിക്കാം. ഇന്ത്യയിലെ വനങ്ങളും, വനവിഭവങ്ങളും പി.എസ്.സി. യുടെ പ്രിലിമിനറി സിലബസിലും ഉൾപ്പെടുന്നു. പി.എസ്.സി.യുടെ ഏത് പരീക്ഷകൾക്കും മറ്റ് മത്സര പരീക്ഷകൾക്കും ഇവ പ്രയോജനപ്പെടും. ആധികാരികമായ ഈ വിവരങ്ങൾ ഡിഗ്രി ലെവൽ പരീക്ഷകൾക്ക് ഒഴിച്ച് കൂടാനാവാത്തതാണെന്ന് ഓർക്കുക. ദയവായി ഞങ്ങളുടെ YouTube Channel സബ്സ്ക്രൈബ് ചെയ്യുക.

* 1970 കളില്‍ ഇന്ത്യയിലെ ദേശീയോദ്യാനങ്ങളുടെ എണ്ണം വെറും അഞ്ചായിരുന്നു.

* 1972-ല്‍ ഇന്ത്യാ ഗവണ്‍മെന്റ്‌ വൈല്‍ഡ്‌ ലൈഫ്‌ പ്രൊട്ടക്ഷന്‍ ആക്ട്‌ പാസാക്കി.

* ആന്ധ്രാപ്രദേശിലെ പാപികോണ്ട ദേശീയോദ്യാനം 2008-ല്‍ സ്ഥാപിതമായി കടുവ, പുള്ളിപ്പുലി, സാംബാര്‍, പുള്ളിമാന്‍ എന്നിവ ഇവിടെ കാണപ്പെടുന്നു. 1012.85 ച.കി.മീറ്ററാണ്‌ വിസ്തീര്‍ണ്ണം.

* ആന്ധ്രാപ്രദേശിലെ കഡപ്പ ജില്ലയിലെ സിംഹാചല നിരകള്‍, ചിറ്റൂര്‍ ജില്ലയിലെ തിരുമല നിരകള്‍ എന്നിവയിലായി സ്ഥിതി ചെയ്യുന്ന ശ്രീ വെങ്കടേശ്വര ദേശീയോദ്യാനത്തിന്റെ വിസ്തീര്‍ണ്ണം 353 പതുര്രശ കിലോമീറ്ററാണ്‌.

* അരുണാചല്‍ പ്രദേശില്‍ 1986-ല്‍ ആരംഭിച്ച മൗളിങ്‌ ദേശീയോദ്യാനത്തിന്‌ 483 ചതുര്രശ കിലോമീറ്ററാണ്‌ വിസ്‌തീര്‍ണ്ണം. ഇത്‌ ദിഹാങ്‌-ദിബാങ്‌ ബയോസ്ഫിയര്‍ പശ്ചിമ ഭാഗമായിത്തീരുന്നു.

* കര്‍ണാടകത്തിലെ ബന്ദിപ്പൂര്‍ ദേശീയോദ്യാനം ആരംഭിച്ചത്‌ 1974-ല്‍ ആണ്‌. 874.20 ച.കി.മീ വിസ്തീര്‍ണ്ണമുണ്ട്‌.

*1974-ല്‍ ദേശീയോദ്യാനമായി പ്രഖ്യാപിക്കപ്പെട്ട ബാനര്‍ഘട്ട കര്‍ണാടക സംസ്ഥാനത്തിലാണ്‌. 260.55 ച.കി.മീ. വിസ്തീര്‍ണ്ണമുണ്ട്‌.

* ജാര്‍ഖണ്ഡില്‍ ഛോട്ടാനാഗ്പുര്‍ പീഠഭുമിയിലാണ്‌ ബേട്‌ല നാഷണല്‍ പാര്‍ക്ക്‌, 1986-ല്‍ ആരംഭിച്ചു. വിസ്തീര്‍ണ്ണം 226 ച.കി.മീ.

* കണ്ടല്‍ക്കാടുകള്‍ക്ക്‌ പ്രസിദ്ധമായ ഭിട്ടാര്‍കര്‍ണിക നാഷണല്‍ പാര്‍ക്ക്‌ ഒഡിഷയിലാണ്‌.

* ബൈസണ്‍ (രാജ്ബാരി) നാഷണല്‍ പാര്‍ക്ക്‌ ത്രിപുരയിലാണ്‌. 2007-ല്‍ സ്ഥാപിതമായി.

* ബ്ലാക്ക്‌ ബക്ക്‌ നാഷണല്‍ പാര്‍ക്ക്‌ ഗുജറാത്തിലാണ്‌. സൗരാഷ്ട്രയിലെ ഭാല്‍ മേഖലയിലാണ്‌ ഈ പാര്‍ക്ക്‌.

* 1992-ല്‍ സ്ഥാപിതമായ ബക്സാ ടൈഗര്‍ റിസര്‍വ്‌ പശ്ചിമ ബംഗാളിലാണ്‌. 760 ച.കി.മീ. വിസ്തീര്‍ണ്ണമുണ്ട്‌.

* ആന്തമാന്‍ നിക്കോബാര്‍ 1992-ല്‍ ആരംഭിച്ച കാംപ്ബെല്‍ ബേ നാഷണല്‍ പാര്‍ക്കിന്‌ 426.23 ച.കീ.മീ വിസ്തീര്‍ണ്ണമുണ്ട്‌.

* ചണ്ടോലി നാഷണല്‍ പാര്‍ക്ക്‌ 2004ല്‍ മഹാരാഷ്ട്രയില്‍ സ്ഥാപിതമായി. 317.67 ച.കീ.മീ. ആണ്‌ വിസ്തീര്‍ണ്ണം. ഇത്‌ സഹ്യാദ്രി ടൈഗര്‍ റിസര്‍വിന്റെ ഭാഗമാണ്‌.

* ത്രിപുരയിലെ ക്ലൗഡഡ്‌ ലെപ്പേഡ്‌ നാഷണല്‍ പാര്‍ക്കിന്റെ വിസ്തീര്‍ണ്ണം 5.08 ച.കി.മീ മാത്രമാണ്‌.

* കശ്മീര്‍മാന്‍ കാണപ്പെടുന്ന ഇന്ത്യയിലെ ഏക പ്രദേശമാണ്‌ ജമ്മു കാള്‍മീരിലെ ഡച്ചിഗാം നാഷണല്‍ പാര്‍ക്ക്‌. 1981-ല്‍ സ്ഥാപിതമായ പാര്‍ക്കിന്‌ 141 ച.കി.മീ. വിസ്തീര്‍ണ്ണമുണ്ട്‌.

* ഇന്ത്യയിലെ രണ്ടാമത്തെ ഏറ്റവും വലിയ ദേശീയോദ്യാനമാണ്‌ 3162 ച.കി.മീ. വിസ്തീര്‍ണ്ണമുള്ള ഡെസര്‍ട്ട് നാഷണല്‍ പാര്‍ക്ക്‌ (രാജസ്ഥാന്‍). ജയ്സല്‍മറാണ്‌ ഏറ്റവും അടുത്തുള്ള നഗരം.

* ദിബ്രു സൈഖോവ നാഷണല്‍ പാര്‍ക്ക്‌ അസമിലാണ്‌.

* ഇന്ത്യ-നേപ്പാള്‍ അതിര്‍ത്തിക്കു സമീപം ഉത്തർപ്രദേശിലാണ്‌ ദുധ്വ നാഷണല്‍ പാര്‍ക്ക്‌.

* കേരളത്തിലെ ആദ്യത്തെ ദേശീയോദ്യാനമാണ്‌ 1978-ല്‍ സ്ഥാപിതമായ ഇരവികുളം. വംശനാശഭീഷണിനേരിടുന്ന വരയാടുകള്‍ക്ക്‌ പ്രസിദ്ധമാണിത്‌.

* ആന്തമാന്‍ നിക്കോബാറിലാണ്‌ ഗലാത്തിയ നാഷണല്‍ പാര്‍ക്ക്‌.

* ഉത്തരഖാണ്ഡില്‍ 2390 ച.കി.മീ. വിസ്തീര്‍ണ്ണത്തില്‍ വ്യാപിച്ചുകിടക്കുന്ന ഗംഗോത്രി നാഷണല്‍ പാര്‍ക്ക്‌ തുടങ്ങിയത്‌ 1989-ല്‍ ആണ്‌.

* ഏഷ്യാറ്റിക്‌ സിംഹങ്ങള്‍ക്ക്‌ പ്രസിദ്ധമാണ്‌ ഗുജറാത്തിലെ ഗിര്‍ നാഷണല്‍ പാര്‍ക്ക്‌. 1965-ല്‍ ആരംഭിച്ചു.

* കാണ്ടാമൃഗങ്ങള്‍ക്ക്‌ പ്രസിദ്ധമായ ഗോരുമാര നാഷണല്‍ പാര്‍ക്ക്‌ പശ്ചിമബംഗാളിലാണ്‌.

* സ്വാതന്ത്ര്യസമരസേനാനിയായിരുന്ന ഗോവിന്ത് വല്ലഭ പന്തിന്റെ സ്മരണാര്‍ഥം നാമകരണം ചെയ്യപ്പെട്ട ദേശീയദ്യോനമാണ്‌ ഉത്തരാഖണ്ഡിലെ ഗോവിന്ദ്‌ പശുവിഹാര്‍ നാഷണല്‍ പാര്‍ക്ക്‌. 1955-ല്‍ സ്ഥാപിക്കപ്പെട്ടു.

* ഹിമാചല്‍ പ്രദേശിലാണ്‌ ഗ്രേറ്റ്‌ ഹിമാലയന്‍ നാഷണല്‍പാര്‍ക്ക്‌. 1984ല്‍ സ്ഥാപിതമായ പാര്‍ക്ക്‌ യുനെസ്കോ പൈതൃക കേന്ദ്രം കൂടിയാണ്‌. 

* ഗുഗാമല്‍ നാഷണല്‍ പാര്‍ക്ക്‌ മഹാരാഷ്ട്രയിലാണ്‌.

* ഇന്ത്യയില്‍ നഗരപ്രദേശത്ത്‌ സ്ഥിതി ചെയ്യുന്ന അപൂര്‍വം നാഷണല്‍ പാര്‍ക്കുകളിലൊന്നാണ്‌ ചെന്നൈയ്ക്ക്‌ സമീപമുള്ള ഗിണ്ടി ദേശീയോദ്യാനം. വെറും 2.70 ച.കിമീറ്ററാണ്‌ വിസ്തിര്‍ണ്ണം.


* തമിഴ്നാടിന്റെ തീര്രപദേശത്താണ്‌ ഗള്‍ഫ്‌ ഓഫ്‌ മാന്നാര്‍ മറൈന്‍ നാഷണല്‍ പാര്‍ക്ക്‌.

* ഛത്തിസ്ഗഢിലാണ്‌ ഗുരു ഘാസിദാസ്‌ (സഞ്ജയ്‌) ദേശീയോദ്യാനം.

* ഇന്ത്യയിലെ ഏറ്റവും വലിയ ദേശീയോദ്യാനമാണ്‌ ജമ്മുകശ്മീരിലെ ഹെമിസ്‌ നാഷണല്‍ പാര്‍ക്ക്‌ (4400 ച.കി.മീ.)

* ആയിരം ഉദ്യോനങ്ങള്‍ എന്ന്‌ പേരിനര്‍ഥമുള്ള ഹസാരിബാഗ്‌ നാഷണല്‍ പാര്‍ക്ക്‌ ജാര്‍ഖണ്‍ഡിലാണ്‌.

* ഇന്ദര്‍കില നാഷണല്‍ പാര്‍ക്ക്‌ ഹിമാചല്‍ പ്രദേശിലാണ്‌.

* ഇന്ദിരാഗാന്ധി വൈല്‍ഡ്‌ ലൈഫ്‌ സാങ്ച്വറി ആന്‍ഡ്‌ നാഷണല്‍ പാര്‍ക്ക്‌ തമിഴ്നാട്ടിലാണ്‌.

* ഇന്ദ്രാവതി നദിയില്‍ നിന്ന്‌ പേരു ലഭിച്ച ദേശീയോദ്യാനമാണ്‌ ഛത്തിസ്ഗഢിലെ ഇന്ദ്രാവതി നാഷണല്‍ പാര്‍ക്ക്‌.

* കാണ്ടാമൃഗങ്ങള്‍ക്ക്‌ പ്രസിദ്ധമാണ്‌ ബംഗാളിലെ ജല്‍ദപര നാഷണല്‍ പാര്‍ക്ക്‌. ടോര്‍സ നദിയുടെ തീരത്താണ്‌ പാര്‍ക്ക്‌.

*1936-ല്‍ ഹെയ്‌ലി നാഷണല്‍ പാര്‍ക്ക്‌ എന്ന പേരില്‍ ആരംഭിച്ച ഉദ്യാനം പില്‍ക്കാലത്ത്‌ രാംഗംഗ ദേശീയോദ്യാനമായി മാറി. ഇപ്പോള്‍ ജിം കോര്‍ബറ്റ്‌ നാഷണല്‍ പാര്‍ക്ക്‌ എന്നറിയപ്പെടുന്നു. ഇന്ത്യയിലെ ഏറ്റവും പഴക്കമുള്ള നാഷ
ണല്‍ പാര്‍ക്കാണിത്‌.

* ജിം കോര്‍ബറ്റ്‌ നാഷണല്‍ പാർക്കിലൂടെ ഒഴുകുന്ന നദി യാണ രാംഗംഗ.

* ഹരിയാനയിലാണ്‌ കലേസര്‍ നാഷണല്‍ പാര്‍ക്ക്‌

മധ്യേന്ത്യയിലെ ദേശീയോദ്യാനങ്ങളില്‍ ഏറ്റവും വലുതാണ്‌ മധ്യപ്രദേശിലെ കന്‍ഹ നാഷണല്‍ പാര്‍ക്ക്‌. വിനോദ സഞ്ചാരികളുടെ ഇഷ്ട ലക്ഷ്യ സ്ഥാനങ്ങളിലൊന്നാണിത്‌.

* റുഡ്‌ യാര്‍ഡ്‌ കിപ്ലിങ്ങിന്‌ ജംഗിള്‍ ബുക്ക്‌ എന്ന നോവലെഴുതാന്‍ പ്രചോദനമായത്‌ കന്‍ഹ വനങ്ങളാണ്‌.

* ഛത്തിസ്ഗഢിലാണ്‌ കാംഗര്‍ഘട്ടി നാഷണല്‍ പാര്‍ക്ക്‌. ഇത്‌ കാഗര്‍ വാലി നാഷണല്‍ പാര്‍ക്ക്‌ എന്നും അറിയപ്പെടുന്നു. 

* കോണ്‍ക്രീറ്റ്‌ വനത്തിനിടയിലെ വനം എന്നറിയപ്പെടുന്ന കാസു ബ്രഹ്മാനന്ദ റെഡ്ഡി നാഷണല്‍ പാര്‍ക്ക്‌ തെലങ്കാനയിലാണ്‌. 1.6 ച.കിമീ, മാത്രമാണ്‌ വിസ്തീര്‍ണ്ണം.

* ലോകത്തെ ഒറ്റക്കൊമ്പന്‍ കാണ്ടാമൃഗങ്ങളില്‍ മൂന്നില്‍ രണ്ടു ഭാഗത്തെ ഉള്‍ക്കൊള്ളുന്ന കാസിരംഗ ദേശീയോദ്യാനം അസമിലാണ്‌. 1974-ല്‍ സ്ഥാപിതമായ നാഷണല്‍ പാര്‍ക്ക് ലോക പൈതൃകപ്പട്ടികയില്‍ സ്ഥാനം നേടിയിട്ടുണ്ട്‌.

* പൊങ്ങിക്കിടക്കുന്ന, ലോകത്തെ ഏക ദേശീയോദ്യാനമാണ്‌ മണിപ്പൂരില്‍ ലോക്തക്‌ തടാകത്തിലുള്ള കെയ്ബുള്‍ ലാംജാവോ നാഷണല്‍ പാര്‍ക്ക്‌. വംശനാശഭീഷണി നേരിടുന്ന സാംഗായിമാനുകൾക്ക്‌ പ്രസിദ്ധമാണിത്‌.

* ലോക പൈതൃകപ്പട്ടികയില്‍ ഇടംപിടിച്ച കേവലദേവ്‌ നാഷണല്‍ പാര്‍ക്ക്‌ രാജസ്ഥാനിലാണ്‌. ഭരത്പൂര്‍ പക്ഷി സങ്കേതം എന്നായിരുന്ന പഴയപേര്‌.

* മുമ്പ്‌ കാഞ്ചൻജംഗ നാഷണല്‍ പാര്‍ക്ക്‌ എന്നറിയപ്പെട്ടിരുന്ന ഖാങ്ചെന്ദ്‌ സോങ നാഷണല്‍ പാര്‍ക്ക്‌ സിക്കിമിലാണ്‌. ലോക പൈതൃകപ്പട്ടികയില്‍ ഈ പാര്‍ക്ക്‌ ഉള്‍പ്പെടുന്നു.

* ഹിമാചല്‍ പ്രദേശിലെ ഖിര്‍ഗംഗ ദേശീയോദ്യാനം ആരംഭിച്ചത്‌ 2010-ല്‍ ആണ്‌.

* ജമ്മു-കാശ്മീരിലാണ്‌ കിഷ്ത്വര്‍ നാഷണല്‍ പാര്‍ക്ക്‌.

* കുദ്രേമുഖ്‌ നാഷണല്‍ പാര്‍ക്ക്‌ കര്‍ണാടകത്തിലാണ്‌.

* മാധവറാവു സിന്ധ്യയുടെ സ്മരണാര്‍ത്ഥം നാമകരണം ചെയ്യപ്പെട്ട മാധവ്‌ നാഷണല്‍ പാര്‍ക്ക്‌ മധ്യപ്രദേശിലാണ്‌.

* സൌത്ത്‌ ആന്തമാന്‍ ജില്ലയിലാണ്‌ മഹാത്മാഗാന്ധി മറൈന്‍ നാഷണല്‍ പാര്‍ക്ക്‌.

* ഹൈദരാബാദ്‌ നഗരത്തിലാണ്‌ മഹാവീര്‍ ഹരിണ വനസ്ഥലി നാഷണല്‍ പാര്‍ക്ക്‌ (തെലങ്കാന സംസ്ഥാനം)

* ലോക പൈതൃകപ്പട്ടികയില്‍ സ്ഥാനംപിടിച്ച മാനസ്‌ ദേശീയോദ്യാനം അസമിലാണ്‌.

* ഫോസിലുകള്‍ക്ക്‌ പ്രസിദ്ധമായ മാണ്ട്‌ല പ്ലാന്റ്‌ ഫോസില്‍സ്‌ നാഷണല്‍ പാര്‍ക്ക്‌ മധ്യപ്രദേശിലാണ്‌.

* ഗുജറാത്തിലെ ഗള്‍ഫ്‌ ഓഫ്‌ കച്ചിലാണ്‌ മറൈന്‍ നാഷണല്‍ പാര്‍ക്ക്‌.

* ഇടുക്കി ജില്ലയിലെ ഉടുമ്പന്‍ ചോല താലൂക്കിലാണ്‌ മതികെട്ടാന്‍ ചോല നാഷണല്‍ പാര്‍ക്ക്‌.

* മിഡില്‍ ബട്ടണ്‍ ഐലന്‍ഡ്‌ നാഷണല്‍ പാര്‍ക്ക്‌ ആന്തമാന്‍ നിക്കോബാറിലാണ്‌.

* ഭഗവാന്‍ മഹാവീര്‍ സാങ്ചറി ആന്‍ഡ്‌ മൊല്ലം നാഷണല്‍പാര്‍ക്ക്‌ ഗോവയിലാണ്‌.

* മൌണ്ട്‌ ഹാരിയറ്റ്‌ നാഷണല്‍ പാര്‍ക്ക്‌ ആന്തമാന്‍ നിക്കോബാറിലാണ്‌.

* തെലങ്കാനയിലാണ്‌ മൃഗവനി നാഷണല്‍ പാര്‍ക്ക്‌.

* ടൈഗര്‍ സാങ്ച്ചറി കൂടിയായ മുതുമലൈ നാഷണല്‍ പാര്‍ക്ക്‌ തമിഴ്‌നാട്ടിലാണ്‌. ഇത്‌ കര്‍ണാടകവുമായും കേരളവുമായും അതിര്‍ പങ്കിടുന്നു.

* ദാരാഹ്‌, ചംബല്‍, ജവാഫര്‍ സാഗര്‍ എന്നീ വന്യജീവി സങ്കേതങ്ങള്‍ ചേര്‍ത്ത്‌ രൂപവത്കരിച്ച ദാരാഹ്‌ നാഷണല്‍പാര്‍ക്ക്‌ രാജസ്ഥാനിലാണ്‌.

* തമിഴ്നാട്ടിലെ മുകുര്‍ത്തി നാഷണല്‍ പാര്‍ക്ക്‌ വരയാടുകളുടെ സംരക്ഷണത്തിന്‌ പ്രസിദ്ധമാണ്‌. നീലഗിരി ബയോസ്ഫിയര്‍ റിസര്‍വിന്റെ ഭാഗമാണിത്‌. 

* മുര്‍ലെന്‍ നാഷണല്‍ പാര്‍ക്ക്‌ മിസോറമിലാണ്‌.

* അരുണാചല്‍ പ്രദേശിലെ ആദ്യത്തെ പാര്‍ക്കാണ്‌ നംദഫ നാഷണല്‍ പാര്‍ക്ക്‌.

* അസമിലെ നമേരി നാഷണല്‍ പാര്‍ക്ക്‌ അരുണാചല്‍ പ്രദേശിലെ പഹുയി വന്യജീവി സങ്കേതവുമായി അതിര്‍ത്തി പങ്കിടുന്നു.

* ലോക പൈതൃകപ്പട്ടികയില്‍ ഇടംപിടിച്ച നന്ദാദേവി നാഷണല്‍ പാര്‍ക്ക്‌ ഉത്തരാഖണ്ഡിലാണ്‌.

* പക്ഷികളുടെ വിപുലമായ സാന്നിധ്യം കൊണ്ട്‌ ശ്രദ്ധേയമായ നവഗവോണ്‍ നാഷണല്‍ പാര്‍ക്ക്‌ മഹാരാഷ്‌ട്രയിലാണ്‌.

* പശ്ചിമബംഗാളിലെ ഡാര്‍ജിലിങ്‌ ജില്ലയിലാണ്‌ നിയോറ വാലി നാഷണല്‍ പാര്‍ക്ക്‌.

* നോക്രക്‌ നാഷണല്‍ പാര്‍ക്ക്‌ മേഘാലയയാണ്‌. ഏഷ്യന്‍ ആന, കടുവ, ഹുലുക്ക്‌ കുരങ്ങ്‌ തുടങ്ങിയവ ഇവിടെ കാണപ്പെടുന്നു.

* നോര്‍ത്ത്‌ ബട്ടണ്‍ ഐലന്‍ഡ്‌ നാഷണല്‍ പാര്‍ക്ക്‌ ആന്തമാന്‍ നിക്കോബാറിലാണ്‌.
* നാഗാലാന്‍ഡിലാണ്‌ ഇന്റാങി നാഷണല്‍ പാര്‍ക്ക്‌.

* മധ്യപ്രദേശിലാണ്‌ ഓംകാരേശ്വർ നാഷണല്‍ പാര്‍ക്ക്‌.

* അസമിലാണ്‌ ഒരാങ്‌ നാഷണല്‍ പാര്‍ക്ക്‌.

* ഇടുക്കി ജില്ലയിലാണ്‌ പാമ്പാടുംചോല നാഷണല്‍ പാര്‍ക്ക്‌. കേരളത്തിലെ ഏറ്റവും ചെറിയ ദേശീയോദ്യാനമാണിത്‌.

* മധ്യപ്രദേശിലെ പന്ന നാഷണല്‍ പാര്‍ക്ക്‌ ടൈഗര്‍ റിസര്‍വുകുടിയാണ്‌.

* തെലങ്കാനയിലെ പാപികോണ്ട നാഷണല്‍ പാര്‍ക്ക്‌ ജൈവ വൈവിധ്യം കൊണ്ട്‌ സമ്പന്നമാണ്‌.

* റുഡ്‌ യാര്‍ഡ്‌ കിപ്ലിങിന്റെ ജംഗിള്‍ ബുക്ക്‌, അബുള്‍ ഫസല്‍ രചിച്ച അയ്നി അക്ബറി എന്നിവയില്‍ പരാമർശിക്കപ്പെടുന്ന പ്രദേശമാണ്‌ പെഞ്ച്‌ നാഷണല്‍ പാര്‍ക്ക്‌.

* ഫാവ്ങ്പുയി ബ്ലൂ മൌണ്ടന്‍ നാഷണല്‍ പാര്‍ക്ക്‌ മിസൊറമിലാണ്‌.

* ഹിമാചല്‍ പ്രദേശിലാണ്‌ പിന്‍ വാലി നാഷണല്‍ പാര്‍ക്ക്‌.

* ഉത്തരഖണ്‍ഡിലെ രാജാജി നാഷണല്‍ പാര്‍ക്ക്‌ നാമകരണം ചെയ്തിരിക്കുന്നത്‌ സി.രാജഗോപാലാചാരിയുടെ സ്‌മരണാര്‍ത്ഥമാണ്‌.

* ഝാന്‍സിറാണിലക്ഷ്മിഭായിയുടെ ഓര്‍മയ്ക്കായി പേരിട്ടിരിക്കുന്ന റാണി ഝാന്‍സി മറൈന്‍ നാഷണല്‍ പാര്‍ക്ക്‌ ആന്തമാന്‍ നിക്കോബാറിലാണ്‌.

* രാജീവ്‌ ഗാന്ധി നാഷണല്‍ പാര്‍ക്ക്‌ എന്നറിയപ്പെടുന്ന നഗര്‍ഹോളെ നാഷണല്‍ പാര്‍ക്ക്‌ കര്‍ണാടകത്തിലെ കുടക് മൈസൂര്‍ ജില്ലകളിലാണ്‌.

* റണ്‍തംബോര്‍ നാഷണല്‍ പാര്‍ക്ക്‌ രാജസ്ഥാനിലാണ്‌. സവായ്‌ മാധോപൂര്‍ ഗെയിം സാങ്ചറി എന്ന പേരില്‍ 1955-ല്‍ആരംഭിച്ചു. 1973-ല്‍ പ്രോജക്ട്‌ ടൈഗറില്‍ ഉള്‍പ്പെടുത്തി.1980-ല്‍ ദേശിയോദ്യാനം പദവി ലഭിച്ചു.

* ആന്തമാന്‍ നിക്കോബാറിലാണ്‌ സാഡില്‍ പീക്ക്‌ നാഷണല്‍ പാര്‍ക്ക്‌

* സാലിം അലി നാഷണല്‍ പാര്‍ക്ക്‌ അഥവാ സിറ്റി ഫോറസ്റ്റ്‌ നാഷണല്‍ പാര്‍ക്ക്‌ ജമ്മു കാശ്മീരിലെ ശ്രീനഗറിലാണ്‌.

* മധ്യപ്രദേശിലാണ്‌ സഞ്ജയ്‌ നാഷണല്‍ പാര്‍ക്ക്‌. മധ്യപ്രദേശ്‌ സംസ്ഥാനം വിഭജിച്ച്‌ ഛത്തീസ്ഗഡ്‌ സംസ്ഥാനം രൂപവത്കരിച്ചപ്പോള്‍ വലിയൊരു ഭാഗം സംസ്ഥാനത്താകുകയും ഗുരു ഘാസിദാസ്‌ നാഷണല്‍ പാര്‍ക്ക്‌ എന്ന്‌ പുനര്‍നാമകരണം ചെയ്യപ്പെടുകയും ചെയ്തു.

* മുന്പ്‌ ബോറിവിലി നാഷണല്‍ പാര്‍ക്ക്‌ എന്നറിയപ്പെട്ടിരുന്ന സഞ്ജയ്‌ ഗാന്ധി നാഷണല്‍ പാര്‍ക്ക്‌ മഹാരാഷ്ട്രയില്‍ മുബൈ നഗരത്തിന്റെ പ്രാന്തപ്രദേശത്താണ്‌. ബുദ്ധമത പഠന ക്രേന്ദമായിരുന്ന കാഞ്ഞേരി ഗുഹകള്‍ ഈ പാര്‍ക്കിനുള്ളിലാണ്‌.

* സാത്പൂര നാഷണല്‍ പാര്‍ക്ക്‌ മധ്യപ്രദേശിലാണ്‌.

<ഇന്ത്യയിലെ സംരക്ഷിത പ്രദേശങ്ങൾ -അടുത്ത പേജിൽ തുടരുന്നു - ഇവിടെ ക്ലിക്കുക>
<ഈ ബ്ലോഗിലെ മുഴുവന്‍ പോസ്റ്റുകളും ഒരുമിച്ച് കാണുക >
YouTube Video Channel - Click here
PSC Solved Question Papers ---> Click here 
PSC TODAY's EXAM RESULTS ---> Click here
PSC EXAM PROGRAMME -> Click here
CURRENT AFFAIRS QUESTIONS -> Click here
PSC Degree Level Questions & Answers - Click here
PSC 10th, +2 Level Questions & Answers - Click here
PSC SHORTLISTS -> Click here
PSC RANK LISTS -> Click here
TEACHING APTITUDE TEST (K-TET, C-TET,, etc.) ---> Click here
* SCERT KERALA TEXTBOOKS – FREE DOWNLOAD ---> Click here
* NCERT & CBSE TEXTBOOKS – FREE DOWNLOAD ---> Click here
* SCERT TEXTBOOKS SOLUTIONS FOR ALL CLASSES ---> Click here
* NCERT & CBSE TEXTBOOKS SOLUTIONS FOR ALL CLASSES ---> Click here